قازاقستاندا بلوكبەكەتتەر الىنادى

"ۆەدومستۆوارالىق كوميسسيانىڭ 1 ماۋسىمنان باستاپ قالالار اراسىنداعى بلوكبەكەتتەردى الىپ تاستاۋ تۋرالى شەشىمىنە سايكەس 5 ماۋسىمنان باستاپ تاسىمالداۋدى قايتا باستاۋ بويىنشا جۇمىستار جۇرگىزىلەدى. جولاۋشىلاردى اۆتوبۋستارمەن تاسىمالداۋ كەزىندەگى ءتيىستى جۇمىس الگوريتمى باس سانيتار دارىگەردىڭ 2020 جىلعى 10 مامىرداعى قاۋلىسىنىڭ تالاپتارىن ەسكەرە وتىرىپ ازىرلەنگەن، ەندى مارشرۋتتىڭ سوڭعى پۋنكتتەرىندە اۆتوبۋستارعا دەزينفەكتسيا جۇرگىزىلۋى ءتيىس، ال جولاۋشىلارعا تەك ماسكامەن كىرۋگە رۇقسات بەرىلەدى", - دەدى جانىبەك تايجانوۆ وكق بريفينگىندە.