ەل قورعاۋ – قاسيەتتى پارىز

3688
Adyrna.kz Telegram

بەرەكە-بىرلىك قاشاندا ادام جانىنىڭ، رۋحانياتىنىڭ قالاۋلىسى، قاجەتتىلىگى ەكەنى بەلگىلى جايت. ءبىر جاعادان باس، ءبىر جەڭنەن قول شىعارىپ قانشالاعان مەملەكەتتەر شەشىمى جوق تىعىرىقتان شىقتى، الىنباس بەلەستەردى الدى، تالايعا ۇلگى-ونەگە بولدى ەمەسپە؟!

راسىندا، ءبىزدىڭ تاۋەلسىز مەملەكەت ءوز الدىنا ەل بولىپ، ەس جيىپ ەل اتانعانى ءالى ەستە. ەلباسىمىزدىڭ سارابدال ساياساتى ارقاسىندا ەلىمىز شيرەك عاسىر ۋاقىتتا تالايدى تاڭعالدىرىپ، الىپتاردى تاڭداندىردى ەمەسپە؟! بۇگىندە ناعىز بەرەكە، بىرلىكتىڭ وشاعى – ول مەنىڭ تاۋەلسىز قازاقستانىم.
وسىنداي بەرەكەلى مەملەكەتتىڭ اسكەري وقۋ ورداسى قۇرلىق اسكەرلەرىنىڭ اسكەري ينستيتۋتىندا وقىپ جاتقانىم ۇلكەن مارتەبە. اكە-شەشەنىڭ ءۇمىتىن اقتاپ، سەرتىمە سەبدەل تۇسىرمەي، وتانعا قىزمەت ەتۋ ەلىم دەگەن ەردىڭ ءىسى دەپ بىلەمىن. مەن قۇرلىق اسكەرلەرىنىڭ اسكەري ينستيتۋتىنىڭ 1 باتالون كۋرسانتىمىن. باتالونداعى العاش اتقان تاڭىمنان باستاپ، بۇگىنگى كۇنگە دەيىنگى قىزىعى مەن شىجىعى مول كۇندەر ءالى ەسىمدە. ۆزۆود كومانديرلەرىنەن باستاپ، روتا كومانديرلەرى، باتالون كومانديرىنىڭ توككەن تەرلەرىنىڭ، ەسەبى جوق ەڭبەكتەرى – ءبىزدىڭ ساپقا ءتۇرىپ، ەس جيىپ وفيتسەر بولۋداعى اسقاق ارماندارىمىزدىڭ ورىندالۋىمەن اقتالادى دەپ بىلەمىن.
كوماندير – ول اكەڭ دە، اناڭ دا، اعاڭ دا، اپكەڭ دە بولعان، قيىندا جانىڭنان تابىلاتىن، قۋانىشتا بىرگە جۇباناتىن، بار بىلگەنىن ۇيرەتىپ، جاناشىرلىق تانىتاتىن باعامى بيىك ادام.


باتالونداعى العاشقى كۇندەرىمنەن كومانديرلەرىم قولىمنان ۇستاپ جەتەكتەپ، ساپتىق ادىمنان باستاپ، كيىم ۇلگىسىن ۇقىپتى ۇستاۋ، دەنە دايىندىعىنا جۇمىلدىرىپ، اسكەري ومىرگە العاش قادام جاساتتى. بۇگىنگى كۇنى وقۋىمدى ويداعىداي اياقتاپ، بىرنەشە ايدان كەيىن 2 كۋرس كۋرسانتى اتانامىن. وسىنداي باتالوندا وقىپ جۇرگەنىم، بىرگە وقىپ جاتقان دوستارىمىنىڭ اسكەري ءومىردى تاڭداپ، سول جولدا تەر توگۋلەرى – تالاي وفيتسەرلەردى دايىنداۋدا ۇلكەن ۇلەس قوسقان، كوپكە ۇلگى، بىلىكتى مامان باتالون كومانديرىم – پودپولكوۆنيك يديريشەۆ ادىلەت ابۋعاليۇلىنىڭ، باتالون كومانديرىنىڭ تاربيە جانە يدەولوگيا جونىندەگى ورىنباسارى – مايور مولداحانوۆ دۋلات سابىرۇلىنىڭ، باتالون سەرجانتى – 2-سىنىپتى سەرجانت يمانكۋلوۆ تالاعات بەكتۇرۇلىنىڭ، روتا كومانديرلەرى كاپيتان نۋرنيازوۆ باۋىرجان، كاپيتان احمەتوۆ راۋان، كاپيتان ساريەۆ ەركەبۋلان، كاپيتان جاكىپوۆتىڭ ادىلەت، روتا كومانديرلەرىنىڭ تاربيە جانە يدەولوگيا جونىندەگى ورىنباسارلارى – كاپيتاندار ەربولات ايتباەۆ، كاپيتان بەكجان قادىلوۆ، اعا لەيتەنانتار تاسبولات ەرعاليەۆ; نۋرگالي اشيموۆ مىرزالاردىڭ ەڭبەكتەرى دەپ ايتۋعا تولىق نەگىز بار. تالاي ۋاقىت وتسەدە، عاسىرلار ارتتا قالسادا كومانديرگە شەن تاعاتىن – جەكە قۇرام ەكەنى بەسەنەدەن بەلگىلى، توككەن تەرلەرىنىڭ جەمىسى اقتالا بەرسىن.
اسكەري ءومىر – بەرەكە-بىرلىكتى، تاپجىلماس ءتارتىپتى، ۇقىپتىلىق پەن جاۋاپكەرشىلىكتى تالاپ ەتەتىن پاراساتتى جاندار ورتاسى. ەل قورعاۋ، وتان تىنىشتىعىن كۇزەتۋ، ەر ازاماتتىڭ  قاسيەتتى پارىزى.

مۇحامەت نۇرجانات، 
قۇرلىق اسكەرلەرى اسكەري ينستيتۋتىنىڭ
1 كۋرس كۋرسانتى

پىكىرلەر