سوتتالعان يسلام ابىشەۆتىڭ ورنىنا سۋ كوميتەتىنە جاڭا توراعا كەلدى 

3439
Adyrna.kz Telegram

ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆءتىڭ بۇيرىعىمەن ءبىرازدان بەرى بوس تۇرعان ورىنتاققا، اتاپ ايتقاندا سۋ رەسۋرستارى كوميتەءتىءنىڭ توراعاسى بولىپ نۇرلان الدامجاروۆ تاعايىندالدى.

نۇرلان جانۇزاقۇلى الدامجاروۆ 1975 جىلى 12 قىركۇيەكتە تاشكەنت قالاسىندا دۇنيەگە كەلگەن.

1999 جىلى تاشكەنت ينجەنەرلىك يرريگاتسيا جانە مەحانيزاتسيا اۋىل شارۋاشىلىعى ينستيتۋتىن «ينجەنەر-گيدروتەحنيك» ماماندىعى بويىنشا تامامداعان. ەڭبەك جولىن 1999 جىلى تاشكەنت قالاسىندا «تاشوبلمەليوۆودستروي» ترەستىنىڭ №5 مەحانيكالاندىرىلعان وندىرىستىك كولونناسىنىڭ مونتاجنيگى بولىپ باستاعان. ءتۇرلى جىلدارى مەملەكەتتىك جانە كوممەرتسيالىق قۇرىلىمداردا ەڭبەك ەتتى.

2008-2012 جىلدارى — وڭتۇستىك قازاقستان وبلىسى اكىمدىگىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ جەتەكشى مامانى، باس مامانى.

2012-2014 جىلدارى — وڭتۇستىك قازاقستان وبلىسى اكىمدىگىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باس مامانى، ءبولىم باسشىسى، باسشىنىڭ ورىنباسارى.

2014-2015 جىلدارى — وقو ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى، وڭتۇستىك قازاقستان وبلىسى تۇرعىن ءۇي-كوممۋنالدىق شارۋاشىلىعى جانە جولاۋشىلار كولىگى باسقارماسىنىڭ باسشىسى.

2015-2016 جىلدارى — «نۇر وتان» پارتياسىنىڭ ورتالىق اپپاراتى ۇيىمداستىرۋ-باقىلاۋ جۇمىسى دەپارتامەنتىنىڭ ديرەكتورى، پارتيالىق باقىلاۋ قىزمەتىنىڭ باسشىسى. 2016 جىلدان باستاپ 2018 جىلعا دەيىن قر اۋىل شارۋاشىلىعى مينيسترلىگى سۋ رەسۋرستارى كوميتەتى توراعاسىنىڭ ورىنباسارى قىزمەتىن اتقاردى.

2018-2020 جىلدارى — جامبىل وبلىسى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى.

ەسكەرتە كەتەيىك،  قازاق كۇرەسى فەدەراتسياسىنىڭ ۆيتسە-پرەزيدەنتى سەرىك تۇكيەۆ پەن  سۋ رەسۋرستارى كوميتەتىنىڭ بۇرىنعى باسشىسى يسلام ابىشەۆ پەن «60 ميلليون تەڭگەدەن استام اقشانى بوپسالاۋ جولىمەن پارا الدى» دەپ كۇدىككە ىلىنگەن. سەرىك تۇكيەۆ 4 جىلعا،  ابىشەۆ 5 جىلعا، سوتتالعانى بەلگىلى.

ەركىن قالدان،

"ادىرنا" ۇلتتىق پوتالى

 

پىكىرلەر