پسيحولوگ عالىمدار ادام مىنەزىن زەرتتەپ، زەردەلەۋدەن تالمايدى. جاي زەرتتەپ قانا قويماي، ءبىر-بىرىنە ۇقساستىقتارىن تاۋىپ، قورىتىندى ءتۇيىن شىعارادى. سونداي كەزەكتى تۇجىرىمداردىڭ ءبىرى ادامداردىڭ قانداي شوكولاد تاڭدايتىنىنا بايلانىستى جاسالعان.
قارا شوكولاد تاڭدايتىندار ءوز قۇنىن جاقسى بىلەدى. ولاردىڭ ىشكى رۋحى بيىك بولۋىمەن قاتار، تۋا سالا باسقالاردى سوڭىنان ەرتىپ، ۇيىمداستىرۋعا، باسقارۋعا شەبەر. اگرەسسيۆتى كۇيگە ءجيى تۇسەدى، وزگەلەرگە وكتەمدىك كورسەتەدى. بولاشاعىنا اسا سەنىممەن قاراپ، ءدال ءوزى قالاعان ادام بولاتىنىنا ەش كۇمان كەلتىرمەيدى. جاي عانا ءتاتتى قيالعا بەرىلىپ، اۋادان قامال جاساۋ ۇعىمىن مۇلدە تۇسىنە المايدى. ءىس-ارەكەت پەن ناتيجە كورسەتۋ ۇعىمى ناعىز وسى ادامدارعا ارنالعان. ولار ءبىر ءتۇزۋدىڭ بويىمەن عانا جۇرەدى، وتە ءادىل ءارى قاتال. مۇنداي باستىق ەڭ جالقاۋ دا كەرىتارتپا ۇجىمنىڭ ءوزىن اياعىنان تىك تۇرعىزىپ، ناعىز شەبەر ماماندارعا اينالدىرادى.
ءسۇتتى (مولوچنىي) شوكولادتى كوبىنە ايەل ادامدار تاڭدايدى. بۇل نازىك، قىلىقتى جانداردىڭ تاڭداۋى. كەلەشەگىنە كۇدىكپەن قاراپ، وتكەنىن ساعىنىشپەن ەسكە الىپ وتىرادى. ولار جاۋاپكەرشىلىگى مول جينالىستى، ماڭىزدى كەزدەسۋدى ساياباقتاعى نە كافەدەگى دوستارمەن، تۋىستارمەن باس قوسۋ راسىمىنە قۋانا-قۋانا ايىرباستاي سالادى. ولار ارمانشىل، ەركەلەي كۇلىمسىرەپ قويادى، باسقالاردى سابىرلى كوزقاراسىمەن-اق تىنىشتاندىرادى. ونىڭ قۇشاعىنىڭ ءوزى ەرەكشە مەيىرىمگە، جىلۋعا تولى.
اق شوكولادتى تاڭدايتىندار ءومىردى وزگەرتە الاتىنىنا اسا سەنىممەن قارايدى. ولار تۋا ءبىتتى كۇرەسكەر، ءبىتىمشىل جاندار. كيكىلجىڭدى جەك كورەدى، ۇرىستاردان بويىن اۋلاق سالادى. اق شوكولادتى تاڭدايتىن ەر ادامدار ءبىر كورىپ عاشىق بولۋعا سەنەتىن جانە وتباسىنىڭ شاڭىراعىن بيىك ۇستاۋدى ويلايتىن ازامات بوپ كەلەدى. وزىنە قاتىسى جوق ىستەر بولسا دا، ادىلەتسىزدىككە قاراپ تۇرا المايدى. ادال دوس، قامقور جار بولادى.
جاڭعاقتى شوكولاد ءوز ماقساتىنا سەنىمدى ءارى باتىل تۇردە قادام باساتىنداردىڭ تاڭداۋى. جولىندا كەزدەسكەن قيىندىقتاردىڭ بارلىعىن باتىلمەن شەشەدى. ءوز ارماندارى مەن يدەيالارى ارقىلى وزگەلەردى سوڭىنان وڭاي ەرتەدى.
ىشىندە جۇمساق سالىندىسى بار شوكولاد رومانتيك، شىعارماشىلىق ادامدارىنىڭ تالعامىنا ساي. ولار كوپشىل، اشىق، ءجيى كۇلىپ، ماڭايىنا نۇر شاشىپ جۇرەدى. ورىندالماس ارماندارعا، ءتىپتى اياز اتانىڭ بارىنا سەنىپ جۇرەدى. كرەم سالىندىسى بار شوكولاد جاقسى كورەتىندەر قامقور دا ەلگەزەك. ولار وتباسىنىڭ ۇيىپ، بەرەكەسى كىرىپ وتىرعانىن بارىنەن ماڭىزدى سانايدى. كوفە سالىندىسى قوسىلعان شوكولادتى ۇناتساڭىز، دۇنيەگە كەڭ قىرىنان قارايسىز. بۇل ادامدار ءۇشىن بارلىعى بىردەن بولا سالۋى ءتيىس، شىدامسىز. كوڭىلدى، بەيقام ادامدار شوكولاد دراجەسىن جاقسى كورەدى. ولار ەش ماسەلەگە باس قاتىرمايدى. بارلىق سۇراقتى وڭاي دا تەز شەشەدى. ونىڭ جانىندا جۇرسەڭىز ءىش پىسپايدى. ءتىپتى كەيدە قاي كەزدە قالجىڭداپ، قاي كەزدە شىنىن ايتىپ وتىرعانىن اجىراتۋ قيىن. باسقالارىنا قاراعاندا قايسىسىن كوبىرەك جاقسى كورەسىز؟
massaget.kz
