قوستاناي وبلىسىنىڭ اكىمى ارحيمەد مۇحامبەتوۆ ساقتىق شارالارىن جاساعانىنا قاراماستان كوروناۆيرۋس جۇقتىردى. ءوزىنىڭ ينستاگرام جەلىسىندەگى پاراقشاسىندا تۇرعىندارعا كۇتىنۋ كەرەكتىگىن ايتتى.
"قۇرمەتتى قوستانايلىقتار! بارلىق ساقتىق شارالارىن ساقتاعانىما قاراماستان، مەنىڭ COVID-19-عا تاپسىرعان سىناعىم وڭ ناتيجە (اۋرۋ بەلگىسى انىقتالدى - رەد.) كورسەتتى. وسىعان بايلانىستى مەن وقشاۋلانۋعا كەتەمىن جانە جۇمىسىمدى قاشىقتان جالعاستىرامىن. وبلىس تۇرعىندارىنان بارلىق قاۋىپسىزدىك شارالارىن ساقتاۋدى سۇرايمىن.
تاعى دا جەرلەستەرىمىزدى ايماق اۋماعىندا ەنگىزىلەتىن شەكتەۋ شارالارىن ساقتاۋعا زور جاۋاپكەرشىلىكپەن قاراۋعا شاقىرامىن. بارشاڭىزعا زور دەنساۋلىق جانە اماندىق تىلەيمىن! ءوزىڭىزدى كۇتىڭىز!", - دەپ جازدى اكىم.
"ادىرنا" ۇلتتىق پورتالى
