ورنەكتى سۋرەتتى تاڭداپ، ءوزىڭىزدى تانىڭىز (تەست)

6913
Adyrna.kz Telegram

 

بەرىلگەن التى سۋرەتتەن جانىڭىزعا جاقىن ءبىرىن تاڭداپ، سايكەس جاۋاپتى وقىڭىز. 

1. جومارت تا سانالى جان بارلىعىنان بيىك بولۋعا تىرىساسىز، مەنمەندىگىڭىز باسىمداۋ. ادامدار ءسىزدىڭ جانىڭىزدا جۇرۋگە قيىنسىنۋى مۇمكىن، الايدا سىزگە وزىڭىزبەن ءوزىڭىز بولۋدىڭ ءوزى قيىن. جۇمىستى بار ىنتاڭىزبەن، بەرىلىپ اتقاراسىز. ءسىز ەگويست ەمەسسىز. ءسىز جۇمىس ىستەيسىز، سەبەبى الەمدى جاقسارتقىڭىز كەلەدى. جانىڭىزعا جارا سالمايىنشا بارلىعىن جاقسى كورەسىز. رەنجىتكەن كۇندە دە جەك كورىپ كەتپەيسىز. كەك ساقتامايسىز، كەشىرە بىلەسىز. بۇل قاسيەتىڭىزدى باعالايتىندار از.

2. تارتىمدى دا تۋراشىل جاۋاپكەرشىلىگى مول جانسىز. باسقالارعا قامقورلىق تانىتقاندى، كومەكتەسكەندى جاقسى كورەسىز. ادال ەڭبەككە سەنىم بىلدىرەسىز، جوعارى جاۋاپكەرشىلىكتى ەش قيىندىقسىز موينىڭىزعا جۇكتەپ الاسىز. مىنەزىڭىز جىبەكتەي جۇمساق. ادامدار سىزگە كوپ سەنام ارتادى. اشىق، شاپشاڭ، تاپقىر ادام دەپ ءسىزدى ايتامىز. ايتار قىزىعىڭىز تاۋسىلمايدى.

3. اقىلدى ءارى ويشىل ءسىز كەرەمەت سانالى ادامسىز. ءسىزدىڭ ويلارىڭىز بەن يدەيالارىڭىز بارلىعىنان دا ماڭىزدى. ويلارىڭىزبەن وڭاشا قالىپ، جالعىزدىقتا كوزقاراسىڭىزدى ۇشتاۋدى، ءبىر نارسەگە قاتىستى وي قورىتۋدى جاقسى كورەسىز. ينتروۆەرتسىز. ويلانۋدى، وقۋدى جاقسى كورەتىن جاندارمەن تەز ءتىل تابىساسىز. ەشتەڭەگە جەڭىل-جەلپى قارامايسىز. بارلىعىن تەرەڭىنەن ويلاپ، ءتۇيىنىن تابۋعا، ءمانىن ىزدەۋگە ءبىراز ۋاقىت جۇمسايسىز. قوعام قارسى تۇرسا دا، ءوزىڭىز دۇرىس دەپ تاپقان ارەكەتتى جاسايسىز.

4. زەرەك تە ءپالساپاشىل ءوز جانىڭىزدا دارا ءارى بىرەگەي تۇلعاسىز. اينالاڭىزدا سىزگە ءبىر تامشىداي بولسا دا ۇقسايتىن ادام جوق. تۇيسىگىڭىز جاقسى دامىعان، ازداپ كىرپيازدىعىڭىز دا بار. كوبىنەسە وزگەلەر ءسىزدى دۇرىس تۇسىنبەي جاتادى، بۇل كوڭىلىڭىزگە كىربىڭ كەلتىرەدى. سىزگە جەكە كەڭىستىك كەرەك. شىعارماشىلىق قابىلەتىڭىزدى جەتىلدىرىڭىز، ول وزگەلەردىڭ قۇرمەتىنە لايىق. ءومىردىڭ اشىق تا قوڭىرقاي جاقتارىن انىق كورە بىلەسىز. وتە ەموتسيونالدىسىز.

5. باتىل دا ۇستەم جان ەشكىمگە تاۋەلدى ەمەسسىز. باستى ۇستانىمىڭىز: «ءوزىم ىستەيمىن». وزىڭىزگە عانا ەسەپتەيسىز. ءوزىڭىز ءۇشىن جانە جانىڭىزعا جاقىن جاندار ءۇشىن قالاي كۇشتى بولىپ قالۋ كەرەگىن بىلەسىز. نە قالايتىنىڭىزدى دا جاقسى بىلەسىز، قالاۋىڭىزبەن بەتپە-بەت كەلۋدەن قورقپايسىز. ادامدار سىزبەن ارالاسۋدا بارىنشا شىنايى بولۋىن عانا تالاپ ەتەسىز. كەز كەلگەن شىندىقتى قابىلدايسىز.

6. مەيىرىمدى دە سەزىمتال ادامدارمەن تەز ارالاسىپ كەتەسىز. دوستارىڭىز كوپ، ولاردىڭ ءومىرىن جاقسارتقاندى ۇناتاسىز. اينالاڭىزداعىلارعا جىلى دا جارقىن ىقپال جاسايسىز. جانىندا ءسىز باردا وزگەلەر ءوزىن سەنىمدى سانايدى. كۇن سايىن كەشەگىدەن جاقسىراق بولا ءتۇسۋدى ويلايسىز. قىزىقتى، كورەگەن، بىرەگەي بولۋعا ۇمتىلاسىز. ءوزىڭىزدى سۇيمەگەن ادامعا دا بار ماحابباتىڭىزدى ارناي الاسىز.

 

massaget.kz

پىكىرلەر