جاقسىدان ۇيرەن، جاماننان جيرەن

5616
Adyrna.kz Telegram

قازىرگى كەزدە  بارلىق ەلدەر مەن مەملەكەتتەر جاھاندانۋ ۇدەرىسىندە ءومىر سۇرۋگە داعدىلانۋدا. دالىرەك ايتقاندا، جاھاندانۋ كەزىندە باتىس مادەنيەتى قۇندىلىقتارى بەلەڭ الىپ، كۇننەن كۇنگە ۇدەي تۇسۋدە.

مۇنداي ۇدەرىس حالىقتىڭ بايىرعى ۇلتتىق قۇندىلىقتارىنىڭ ءبىر جولا قۇلدىراپ قۇردىمعا كەتۋىنە تۇرتكى بولادى دەگەن سەكەم بارى انىق. ارينە، باتىستىڭ ءبىلىم-عىلىم، تەحنولوگياسى كەرەك-اق،  دەگەنمەن بۇل بىزگە اسەر ەتپەي قويمايدى. بولاشاق جاستار قوعامىمىزدىڭ ەڭ بەلسەندى دە ءالسىز تۇسى، ياعني وزەگى بولىپ تابىلادى.

اتاقتى ۇلتشىل گيتلەر: "ۇلتتى جويۋ ءۇشىن كۇش جۇمساۋ قاجەت ەمەس، تەك سول ەلدىڭ جاستارىنا ازعىندى مۋزىكا تىڭداتۋ قاجەت", - دەگەن ەكەن. ەلىكتەۋ اسىرەسە بۇقارالىق اقپارات قۇرالدارى مەن عالامتوردىڭ اسەرىنەن تەز بەلەڭ الۋدا. بۇگىنگىنىڭ جاستارى - زاماناۋي، پراكتيك. ەندى ءوسىپ كەلە جاتقان ءجاسوسپىرىم عالامتوردان كەرەكتى دە كەرەكسىز اقپاراتتاردى كەزىكتىرەدى دە، ونىمەن تانىسىپ، تەز يەمدەنەدى.

ءوز باسىم باتىسقا ەلىكتەۋدەن بۇرىن، ەلىكتەۋ" دەگەن ءسوزدىڭ ءوزىن ۇناتپايمىن. ولاي دەيتىنىم، جاقسى ياكي جامان تۇرعىدان بولسىن تۇلعا تۇلعاعا ەلىكتەۋ بارىسىندا ول ءوزىن ۇمىتادى. كەيىننەن قوعامدا اناعان-مىناعان ەلىكتەپ ءجۇرىپ ءوز ورنىن تابا الماي قالادى. ءار نارسەنىڭ ەكى ۇشى بولادى، سول سەكىلدى شاما-شارقى دا بولادى.

كەيدە ويلايتىنمىن، بالا كۇنىمىزدە اتا-انامىز قىلت ەتسە بولدى  “جۇرتتىڭ بالاسى، ەلدىڭ بالاسى” دەيتۇعىن. سودان با ەكەن،  كوبىسى باسقاعا ەلىكتەپ ءوزىنىڭ ماڭىزدىلىعىن ۇمىتىپ تا جاتادى. ارينە، بۇل ءوز ويىم. اباي اتامىز  "جاقسىدان ۇيرەن، جاماننان جيرەن”دەپ ايتپاقشى، ۇيرەنۋدى بىلمەسەك تە جيرەنۋدى بىلەيىك، اعايىن.

اقىل عالىمزات،

الماتى قالاسى

پىكىرلەر