الماتىلىق تۇرعىندار زيراتتارداعى ەكى ەسە وسكەن باعالارعا شاعىمدانۋدا. ءولىم-ءجىتىم كوبەيگەن سايىن قورىمداردا دا «جەمقورلىق» ءوستى دەپ حابارلايدى ادىرنا ۇلتتىق پورتالى استانا تەلەارناسىنا سىلتەمە جاساي وتىرىپ.
الماتىلىق مارات داريباەۆ پنەۆمانيادان كوز جۇمعان اناسىن بىرنەشە كۇن بۇرىن عانا جەر قوينىنا تاپسىرعان. ونىڭ ايتۋىنشا، اناسىن وسى الماتىداعى ورتالىق زيراتقا جەرلەگەن. «سودان ءۇش كۇننەن سوڭ قابىر باسىنا باردىم، راسىن ايتسام، كورگەن كورىنىسكە جاعامدى ۇستادىم. مەنىڭ انامنىڭ قابىرىنىڭ ماڭايىندا تاعىدا توپىراعى كەپپەگەن ونداعان قابىرلەر پايدا بولىپتى. توپىراقتىڭ ءالى دە سۋىماعانى كورىنىپ تۇر. بۇل بار – جوعى ءبىر ءۇش –اق كۇننىڭ ىشىندەگى جاعداي»، دەيدى مارات داريباەۆ.
الەۋمەتتىك جەلىلەردەگى توپىراعى كەپپەگەن قابىرلەر تۇسىرىلگەن بەينەجازبالاردا جۇرتشىلىقتى الاڭداتىپ وتىر. بىراق، «الماتى قالاسىنداعى سالتتىق قىزمەت كورسەتۋ ارنايى كومبيناتى» جشس مەگاپوليستەگى جەرلەۋ راسىمدەرىنىڭ ارتقاندىعى تۋرالى اقپاراتتى جوققا شىعاردى.
وسى كومبينات وكىلىنىڭ ايتۋى بويىنشا اقپارات شىندىققا جاناسپايدى ەكەن، ونىڭ ۇستىنە قورىم الماتى قالاسىنىڭ اۋماعىندا ورنالاسپاعان.
جاقىندارىن جەرلەۋ كەزىندەگى زاڭسىز الىم-سالىمدار قالالىقتاردىڭ نارازىلىعىن تۋدىرىپ وتىر. رينات ەسىمدى قالا تۇرعىنى باتىس قورىمنىڭ اكىمشىلىگى وعان ەكى ەسەلەنگەن تاريف مولشەرىن مالىمدەگەنىن ايتتى.
قازىرگى كۇنى قابىر قازۋ باعاسى - ەلۋ مىڭ تەڭگەگە جۋىق. ۇلكەن زيراتتاردا-شامامەن سەكسەن مىڭ. ء"ىس جۇزىندە جەرلەۋ قىزمەت كورسەتۋ سالاسىن ەشكىم باقىلامايدى، سوندىقتان مۇندا جەمقورلىق ءوسىپ كەلەدى", - دەيدى قوعام قايراتكەرى مارياننا گۋرينا. قوعام قايراتكەرى بىرەۋدىڭ قايعىسىنان، بىرەۋدىڭ ولىمىنەن پايدا تاۋىپ وتىرعاندارعا اشىندى. جەمقورلىق ءدال قازىر ءوزىنىڭ ارسىز جاعىن مىقتاپ كورسەتتى. ءبىزدىڭ ومىرىمىزدەگى بۇعان دەيىن بولعان جانە قازىر بولىپ جاتقان نارسەلەر وسى كۇنى بۇرىنعىدان دا ايقىن بولا باستادى. بۇعان قايتىپ بولسىن ىقپال ەتۋگە بولماي ما؟ بارلىق بولىپ جاتقان ارەكەتتەردى باسقارىپ، قاداعالايتىن ارنايى شتاب قۇرىلۋى قاجەت. م. گۋرينانىڭ سوزىنشە ارنايى شتاب جوق دەگەندە وسى پاندەميا كەزىندە قۇرىلۋى كەرەك. ورگان اكىمدىك قىزمەتكەرلەرى مەن قوعام قايراتكەرلەرىنىنەن تۇرۋى ءتيىس، ولار جاعدايدى قاتاڭ باقىلاپ، سالت-جورالاردى ۇيىمداستىرۋشىلاردىڭ جاقىندارىنان ايىرىلعانداردان پايدا كورۋىنە كەدەرگى جاسايدى.
مۇمكىن قوعام قايراتكەرى ايتقانداي، باقىلاۋشى ورگان قۇرىلسا تىرىلەر ولگەندەردى پايدالانىپ بيزنەس جاساۋدى توقتاتار.
"ادىرنا" ۇلتتىق پورتالى
