مەتروپوليتەن مۋزەيى تۋرالى نە بىلەمىز؟

مەتروپوليتەن  –  نيۋ-يورك قالاسىنداعى جانە الەمدەگى ەڭ ۇلكەن مۇراجايلاردىڭ ءبىرى. 1870 جىلى نەگىزى قالانعان.  1.مۋزەيگە جىل سايىن 5 ميلليوننان استام ادام كەلەدى. مۋزەي كولەمى جاعىنان الەمدە ءتورتىنشى ورىندى الادى. 2.ەجەلگى مىسىر ابىزى نەدجەماحتىڭ التىنمەن جالاتىلعان ساركوفاگىن 2017 جىلى نيۋ-يوركتەگى مەتروپوليتەن مۇراجايى ساتىپ العان ەدى. الايدا ساراپشىلار بۇل تابىتتىڭ  2011 جىلى ۇرلانعانىن انىقتاپ، ەگيپەتكە قايتارىلدى. 3.مۇراجايدىڭ اۋماعى 18 گەكتاردان اسادى. وندا 3 ميلليونعا جۋىق ەكسپوناتتار بار - ەجەلگىدەن قازىرگى زامانعى ارتەفاكتىلەرگە، ءارتۇرلى ەلدەر مەن قۇرلىقتاردان اكەلىنگەن. 4. مۇراجايدىڭ 17 ءبولىمى بار، ولاردىڭ ارقايسىسى الەمنىڭ بەلگىلى ءبىر بولىگىنىڭ ونەرىنە نەمەسە تاريحتىڭ ۋاقىت كەزەڭىنە ارنالعان. 5.مەتروپوليتەن مۇراجايىنىڭ ەرەكشەلىگى -  مەتسەناتتار مەن دونورلار قارجىلاندىرادى.  مەملەكەت قاراجاتتىڭ از عانا بولىگىن بولەدى. 6. مەتروپوليتەن توپتاماسىندا 2 ميلليوننان استام ونەر تۋىندىسى بار، سونىڭ ىشىندە ساقتاردان، عۇن­داردان، گرەكتەردەن، قىپشاق­تاردان، التىنوردا­لىقتاردان، موعول­داردان، ماملۇكتەردەن قالعان مول دۇنيە وسى مۋزەيدە ساقتاۋلى تۇر.     مەتروپوليتەندە تومەندەگىدەي تاريحي جادىگەرلەر بار.   . يسپان سۋرەتشىسى، كۋبيزمنىڭ نەگىزىن سالۋشى پابلو پيكاسسو «ورىندىقتاعى ايەل» كارتيناسى.   دجاكومەتتيدىڭ  «ءۇش ادامنىڭ سەرۋەنى II» تۋىندىسى. گوللاند سۋرەتشىسى ۆينستەن ۆان گوگ «كۇنباعىس» كارتيناسى. التىن وردانى بيلەگەن ءاز-جانىبەك حاننىڭ دۋلىعاسى ساقتالعان.   وسمان تۇرىكتەرى يمپەرياسىنىڭ XVI عاسىرداعى اسكەري قولباسشىلارى قولدانعان ەرى.                                                                                                                                                                                                                                                                                                                                                                                                                                  دايىنداعان:  گۇلۆيرا اسقار،  "ادىرنا" ۇلتتىق پورتالى