جۇرەكتىڭ تاڭداۋى دەگەن نە؟

3463
Adyrna.kz Telegram

مەنىڭشە ار الدىندا ءوز ويىڭ مەن ىسىڭە دەگەن ادالدىق. جۇرەگىڭدى ساتىپ كەتپە.
ايتىلۋعا ءتيىس قانشا ءسوزدى كومەيدە ىركىپ قالدىق ەكەن دەسەيشى! قانشاما رەت جۇرتقا جاعام دەپ جۇرەككە جات ءسوزدى سويلەدىك تە. سوسىن ەڭ دۇرىسى وسى دەپ ءوزىمىزدى ءوزىمىز جۇباتقانسىدىق. بالكىم، كەي جاعدايدا سول بەيىمدەلگىش مىنەزىمىزبەن ءبىرتالاي داۋدى جەڭگەن شىعارمىز، بىراق جۇرەكتىڭ تۇبىندە ءبىر دىق قاپ كەتتى.

سول دىق باسقا ىرعاقپەن، بوتەن سوزبەن شىڭعىرىپ شىندىقتى ايتادى. مەنى دە ەستىءشى، جۇرەكتى تىڭدا دەيدى. بىراق كوبىنە ءبىز پەندەشىلىككە سالىنىپ، ەل نە دەيدى دەگەن ۇرەيدەن اسا المايمىز. جۇرەكتى ساتىپ كەتەمىز. ەلدىڭ جالعان ماقتانىن الدانىش قىلامىز.

بۇرىن ەرەسەك ادامدار ارى قاراي قانداي جول تاڭداۋ كەرەك دەگەندە جىگەرسىزدىكتەن اسا المايتىنىن كوپ كورۋشى ەم. وسى نارسە مەنى ويعا قالدىراتىن. "نە ىستەسەم بولادى؟" دەگەن سۇراقتى ءجيى ەستيمىن. جاۋاپ وتە قاراپايىم: "جۇرەگىڭدى تىڭدا". ءبىر قاراعانعا ەش ماعىناسى جوق بوس ءسوز سەكىلدەنەدى. الايدا تەرەڭىنە بويلاساڭ، نە ىستەۋ قاجەتىڭ انىق الدىڭنان توساتىن شەشىم. ءاردايىم جۇرەكتى تىڭدا.

كەيدە جۇرەك بىزگە: ء"بارىن بەتىنە ايت" دەپ تۇرادى. بىراق ءبىز ارەكەتىمىزدىڭ كەلتىرەر زالالىنان قورقامىز. كەي جاننىڭ وتىرىككە بەلشەدەن باتقانى سونشا، جۇرەكتىڭ ءبىر عانا تاڭداۋى بۇكىل ءومىرىن قۇردىمعا جىبەرۋى مۇمكىن. سول ءومىر تۇتاس وتىرىكتەن تۇرسا، ورنىنا شىنايى ءومىر سۇرگىڭىز كەلمەي مە؟
وتىرىكتىڭ ايناسى شاعىلعان كەزدە دىمسىز قالعان ادام ەركىندىگىن سەزىنەدى. بالكىم، سودان كەيىن باسىنان تالاي قيىندىقتى كەشەر. جۇرەگىڭنىڭ ءار ءدۇرسىلى ەركىن سوقسا، قيىندىق دەگەن تۇكتە ەمەس!

سەندىك جۇرەك قانشالىقتى دىمكاس بولسا دا ساتىپ كەتپەگىن! جۇرەكتىڭ ءار قالاۋىنا مۇقيات بولىپ، جانىڭ قۇربان بولسا دا، ونى تىڭدا. شىنايىلىقتى تاڭداي وتىرىپ اقيقاتتىڭ جولىنا تۇسەسىڭ.
دون حۋان ايتپاقشى، "جولدىڭ ءبارى تىعىرىققا تىرەيدى، الايدا تەك ءبىر جولدىڭ سوعاتىن جۇرەگى بار".

الەكسەي پوحابوۆ،
اۋدارعان شىنار ءابىلدا
"فيلوسوفيا ماگا"

پىكىرلەر