بۇگىن ساعات 19:50-دە «Qazaqstan» ۇلتتىق تەلەارناسىنان قازاقستاننىڭ ەڭبەك ەرى، گرەك-ريم كۇرەسىنىڭ پالۋانى، الەم چەمپيونى، وليمپيادا چەمپيونى، قر ەڭبەك سىڭىرگەن جاتتىقتىرۋشىسى جاقسىلىق ۇشكەمپىروۆ تۋرالى «جاقسىلىق» كوركەم ءفيلمى كورسەتىلەدى.
قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن فيلم توكيو وليمپياداسى قارساڭىندا ەلدە جانە شەت مەملەكەتتەردە كورسەتىلەدى دەپ جوسپارلانعان. الايدا الەمدىك كوروناۆيرۋس پاندەمياسىنا بايلانىستى كينوتەاترلارداعى كورسەتىلىمى كەيىنگە شەگەرىلىپ كەلدى. «قازاقستان» تەلەراديوكورپوراتسياسى ەلىمىزدىڭ مادەنيەت جانە سپورت مينيسترلىگىنە كوركەم تۋىندىنى تەلەكورەرمەنگە ۇسىنۋ قۇقىعىن بەرگەنى ءۇشىن العىس بىلدىرەدى.
بۇدان بولەك بۇگىن جاقسىلىق ۇشكەمپىروۆتىڭ قاتىسۋىمەن ءتۇسىرىلىپ، بەينەقوردا ساقتالعان «كەلبەت»، «سەن دە ءبىر كىرپىش دۇنيەگە...» حابارلارى ۇسىنىلادى. 20:25-تە «Abai tv» ارناسىنان «سەن دە ءبىر كىرپىش دۇنيەگە...» باعدارلاماسى، 20:05-تە «Qazsport» ارناسىنان «كەلبەت» حابارى كورسەتىلەدى.
"ادىرنا" ۇلتتىق پورتالى
