«مادەني استانا» اياسىندا جانە قالاعا كەلەتىن وزگە دە قوناقتاردى شىمكەنت قالاسىنىڭ كورىكتى جەرلەرىمەن تانىستىرۋ ماقساتىندا تۋريزم باسقارماسى تاراپىنان قالانىڭ ءىرى كوشەلەرىنىڭ قيىلىسىنا اقپاراتتىق ناۆيگاتسيالىق ستەلالار ورناتىلىپ جاتىر.
ناۆيگاتسيالىق ستەلا – بۇل جاقىن ورنالاسقان تۋريستىك نىساندار تۋرالى اقپارات كوزى رەتىندە قىزمەت ەتەتىن، ءارى ايماقتا جىلدام باعىت الۋعا جاعداي جاسايتىن شاعىن كولەمدى ديزاين.
بۇگىنگى تاڭدا اتالعان ناۆيگاتسيالىق ستەلالاردىڭ ءبىرى - ب. مومىشۇلى جانە جەلتوقسان كوشەلەرىنىڭ قيىلىسىندا ورناتىلدى. الداعى ۋاقىتتا بۇدان وزگە 29 ستەلانى ورنالاستىرۋ بويىنشا جۇمىستار جۇرگىزىلىپ جاتىر.
شىمكەنت قالاسى اكىمىنىڭ ءباسپاسوز قىزمەتى
