قاي ءبىر نارسەنىڭ ونۋىنە ءبىر شارت بار ول – نيەت . اۋەلى –جاراتقاننان ىزگى نيەت ەتۋمەن ءىس وندىرەر بولساق،ونىڭ جەمىسسىز قالمايتىنى بەلگىلى. ادامنىڭ ىسىنە دەگەن ادالدىعى ءدال وسى نيەتىنىڭ تازالىعىمەن تەپە- تەڭ ەمەس پە؟ اللاعا دەگەن قۇلشىلىقتىڭ ءوزى الدىمەن، شىن نيەت ەتۋدەن باستالادى.يماننىڭ بەرىكتىگى ، قۇلشىلىقتىڭ قابىل بولۋى پەندەنىڭ ىشكى رۋحىمەن تىعىز بايلانىستى. ادامدى تۇرمىس بيلەگەن زاماندا نيەتتىڭ وزگەرۋى دە نە عايبىل.دۇنيەگە دەگەن قۇمارلىق ، تويىمسىزدىق پەندەنى ءپاتۋاسىز تىرلىككە جەتكىزەدى.اكي ،ول ادامنىڭ جانى مەن ءتانى دە ساۋىقپاس كەسەلگە دۋشار بولادى. بۇل – ارامدىق، قاراڭعىلىق، تاكاپپارلىق.ءدال وسى كەسەلدىڭ الدىن-الۋ ىشكى جان دۇنيەمىزدەن باستاۋ الادى.
پەندەنىڭ قانداي ءبىر ىسكە بارماس بۇرىن جاسايتىن دۇنيەسى ويلانىپ ونى اقىلعا سالۋ.ويسىز ، اقىلسىز كەلگەن نارسە سان ساۋالدىق تىعىرىقتان شىعا المايتىنى ءسوزسىز.ءدال وسى تىعىرىقتار كوبەيىپ، پەندە ءوز ومىرىن بايانسىز ەتە تۇسەدى.جان دۇنيەنىڭ وسال تۇسى دا وسى بولسا كەرەك.ساۋاپتى ىسكە نيەت ەتۋ ،ىنساپ قىلۋ ،ادىلەت جولىنا ءتۇسۋ ءاربىر ادامزاتتىڭ قولىنان كەلە بەرمەيدى.ول الدىمەن وتباسىنىڭ پەيىلىنەن باستاۋ الادى.
حالقىمىز: «نيەت ءتۇزۋ بولسا،امال دا ءتۇزۋ بولماق» -,دەپ نيەت ءسوزىنىڭ ءمانىسىن اشىپ بەرگەن سەكىلدى. قانداي عيبادات بولماسىن شىن جۇرەكتەن جاسالسا، ادام بالاسىنىڭ قيساپسىز پالەگە ۇشىرامايتىن ءسوزسىز. نيەتى تۇزۋ پەندە ءوزىنىڭ اقىرەتتەگى كۇنىنە قۇلشىلىعىن جاساپ، بىرەۋدىڭ ءمىنىن جىپكە ءتىزىپ ايتقاندى ءجون كورمەيدى.ول كەرىسىنشە، ادامنىڭ قاتەلىگىن بەتىنە باسپاي، دانالىعىمەن تىعىرىقتان شىعارۋدىڭ رەتىن ىزدەيدى.
ءىس-ارەكەتتىڭ جاقسى مەن جامانى بولسىن ول ادامنىڭ تۇپكى نيەتىنەن.سوندا ءومىرىمىزدى دۇرىس ءسۇرۋىمىزدىڭ ءوزى وسى نيەتتەن باستاۋ الماي ما؟!
ساۋالعا جاۋاپ ىزدەۋ ارينە، ادامزاتتىڭ ءىسى.كەلەشەك ۇرپاعىمىزعا ءتۇزۋ جولدى كورسەتۋ ءبىزدىڭ قولىمىزدا.زامانىمىزدىڭ ۇيرەنشىكتى بولىپ كەتكەن، كەرەعار نيەتىنە توسقاۋىل قويۋ ارينە وڭاي بولمايدى.ادامزاتتىڭ نيەتى تۇزەلمەي،ىشتارلىعى ۇلعايا تۇسەرى انىق.
«ءاربىر قازاق- مەنىڭ جالعىزىم» . ءسوزسىز قانداي قازاق بولماسىن ول ءبىزدىڭ باۋىرىمىز.نيەتى تۇزەلگەن حالىقتىڭ ودان ءارى دامي تۇسەرى دە انىق.ءاربىر ءىستىڭ جاقسىلىققا بوي الدىرۋى ءۇشىن ىشكى دۇنيەمىزدى تازا ۇستاۋ ادامزاتتىڭ رۋحاني پارىزى سەكىلدى…
اياجان سەرىك
