قازاقستاندىق كاراتەشىلەر العاشقى ۇشتىكتە

1639
Adyrna.kz Telegram

وتكەن اپتادا  ۋكراينانىڭ ودەسسا قالاسىندا World Goju-ryu Karate Federation (WGKF) ۇيىمداستىرۋىمەن گودزيۋ-ريۋ كاراتەدەن الەم كۋبوگى ءوتتى.

بۇل جارىسقا الەمنىڭ ءار تۇكپىرىنەن 18 مەملەكەتتىڭ مىڭعا جۋىق سپورتشىسى كەلسە، قازاقستاننان ءار ءتۇرلى جاس پەن ءار ءتۇرلى سالماق دارەجەسىنەن 22 سپورتشى قاتىستى.

جارىس قورىتىندىسىدا قازاقستاندىق كاراتەشىلەر جالپىكوماندالىق ەسەپتە 14 التىن، 17 كۇمىس، 15 قولا مەدالمەن 3 ورىن الدى.

ءبىزدىڭ الدىمىزداعى ۋكراينا مەن ءازىرباي̆جاننىڭ 120 مەن 90 سپورتشىدان قاتىستىرعانىن ەسكەرسەك، جامان كورسەتكىش ەمەس.

جەكەلەگەن سپورتشىلارعا توقتالساق، بالالار اراسىندا رىسباي ميعراجاددين، رىسباي دىنمۇحامەدتەر جاستار اراسىندا ميراس قالجان، باقداۋلەت ابەكەنوۆ، نۇرلات سادىقتار التىن مەدالگە يە بولسا، ەرەسەكتەر اراسىندا نۇراددين سادىق، باقتيار نەسىپبەك، امانجول ەسەنجول، نۇراسىل دىزىموۆتەر ءبىرىنشى ورىندى يەلەنىپ، الەم كۋبوگىنىڭ يەگەرلەرى اتاندى.

فەدەراتسيا باسشىلىعىنىڭ ايتۋىنشا، سپورتشىلار جوسپارلاعان ناتيجەنى ارتىعىمەن ورىنداعان. الدا، كەلەر جىلى جاپونيانىڭ وكيناۆا قالاسىندا IMGKA ۆەرسياسى بويىنشا وتەتىن الەم چەمپيوناتىنا دايىندىقتار كۇتىپ تۇر.

"ادىرنا" ۇلتتىق پورتالى

پىكىرلەر