قايرات جولدىبايۇلى: ءمۇفتيات كرەماتوري سالۋعا رەسمي تۇردە ءوز پوزيتسياسىن ءبىلدىرۋى ءتيىس

2275
Adyrna.kz Telegram

استانا قالاسىندا 1 ميلليارد 519 ميلليون 285 مىڭ تەڭگەگە ءمايىتتى ورتەيتىن كرەماتوري سالىنباقشى. بۇل قالاي؟ ءبىز ولىگىن ورتەيتىن ءۇندىستان ەمەسپىز. ءمايىتىن ارۋلاپ جەرلەيتىن مۇسىلمان ەلىندە مۇنشا قاراجات شاشىپ كرەماتوري سالۋدىڭ قاجەتى قانشا؟!

جەرلەۋ ءبىزدىڭ مادەنيەتىمىز، ءدىنىمىز. ەلىمىزدەگى تاريحي زيراتتارعا قاراپ، جەردىڭ يەسى ەكەنىمىزدى بىلەمىز. ارۋاق سىيلاۋ ءبىزدىڭ قاسيەتىمىز. وسىناۋ بايتاق دالادا ءمايىتتى جەرلەۋگە ورىن جەتپەيدى دەۋ اقىلعا سىيىمسىز.

ارينە مىنا زاماندا جەرلەۋدى بەلگىلى ءبىر ستاندارتتارعا كەلتىرۋ قاجەت. باي بولسىن، كەدەي بولسىن بولىنەتىن جەردىڭ مولشەرى شەكتەۋلى بولۋى كەرەك. قالاي بولسا، سولاي شاشىراڭقى، ىيقى-جىيقى بەيىت تۇرعىزۋدى دوعارۋىمىز قاجەت.

ىسىراپ قىلىپ ءزاۋلىم-ءزاۋلىم كۇمبەزدى زيرات تۇرعىزۋدى توقتاتۋعا ءتيىسپىز. جالپى زيرات اۋماعىن عانا قورشاپ، بەلگى رەتىندە قۇلپى تاسقا كىسىنىڭ اتى-ءجونى جازىلسا، جەتكىلىكتى. مۇنىڭ ءبارىن زاڭدى تۇردە رەتتەۋگە بولادى.

ءمۇفتيات كرەماتوري سالۋعا رەسمي تۇردە ءوز پوزيتسياسىن بىلدىرۋگە، زيارات تۇرعىزۋ، جەرلەۋ ءتارتىبىن ۇسىنۋعا ءتيىس.

قايرات جولدىبايۇلىنىڭ پاراقشاسىنان

پىكىرلەر