بۇگىن قازاق راديوسىنان كۇنى بويى ءشامشى اندەرى بەرىلەدى (ۆيدەو)

1233

بۇگىن قازاق ءان ونەرىنىڭ نەگىزىن سالۋشىلاردىڭ ءبىرى، قازاقستاننىڭ حالىق ءارتىسى ءشامشى قالداياقوۆتىڭ تۋعانىنا — 90 جىل.

توقسان جىلدىق تورقالى تويدىڭ تارتۋىنا بۇگىن كۇنى بويى قازاق راديوسىنىڭ اۋە تولقىنىنان ء"ان اعانىڭ" اۋەزدى اندەرى بەرىلمەك. بۇل تۋرالى قازاق راديولارى جشس باس رەداكتورى—"قازاق راديوسى" راديوارناسىنىڭ ديرەكتورى دۋلات ابيبۋللاەۆ facebook-تەگى پاراقشاسىندا جازدى.

"كومپوزيتور رۋحىنا تاعزىم رەتىندە تاڭنان كەشكە دەيىن ەفيردەن تەك ءشامشى قالداياقوۆتىڭ تۋىندىلارى ءار كەزەڭدەگى انشىلەرىنىڭ ورىنداۋىندا بەرىلمەك. سونداي-اق، بۇگىن تىڭدارمان نازارىنا ءشامشى قالداياقوۆتىڭ قازاق راديوسىنىڭ التىن قورىنا 1991 جىلى جازىپ الىنعان سوڭعى سۇقباتى مەن 1975 جىلى ۇنتاسپاعا تۇسكەن ءابىلاحات ەسپاەۆ جايلى جۇرەكجاردى لەبىزى قامتىلعان ارنايى حابارلار ۇسىنىلادى",—دەلىنگەن اقپاراتتا.

"قازاق ءۆالسىنىڭ كورولى" 40 جىلدان استام شىعارماشىلىق جولىندا جۇزدەگەن مۋزىكالىق تۋىندى جازعان. ونىڭ ءوز قولىمەن تۇسىرگەن نوتالىق پارتيتۋرالارى قازاق راديوسىنىڭ «التىن قورىندا» ءالى كۇنگە دەيىن ساقتالعان. العاش رەت "اقماڭدايلىم" ءانى راديونىڭ ءۇنتاسپاسىنا 1959 جىلى جازىپ الىنعان ەكەن.

پىكىرلەر
رەداكتسيا تاڭداۋى