اتىراۋ وبلىسىنىڭ بۇرىنعى اكىمى بەرگەي رىسقاليەۆتىڭ تاركىلەنگەن مۇلكى قايتارىلدى. بۇل تۋرالى باس پروكۋروردىڭ ورىنباسارى مارات احمەتجانوۆ مالىمدەدى، دەپ حابارلايدى «ادىرنا» ۇلتتىق پورتالى.
مارات احمەتجانوۆتىڭ سوزىنشە، بەرگەي رىسقاليەۆتىڭ تۋىستارىنىڭ مۇلكىنە سالىنعان شەكتەۋلەر دە كۇشىن جويادى. باس پروكۋراتۋرا مۇلىكتىڭ زاڭسىز بايۋعا قاتىسى جوق ەكەنىن انىقتاعان.
- ونىڭ تۋىستارىنا ايىپ تاعىلعان جوق. تەرگەۋ بارىسىندا ول مۇلىكتىڭ زاڭسىز بايۋعا قاتىسى جوق ەكەنى انىقتالدى. ەكىنشىدەن، رەسمي ايىپ تاعىلعانعا دەيىن شەكتەۋ سالىنعان مۇلىككە شەكتەۋ الىندى. بەرگەيدىڭ ول مۇلكى قىلمىستىق توپ قۇرعان كەزەڭدە ەمەس، ودان بۇرىنىراق، بيزنەستە جۇرگەن كەزىندە تىركەلگەن، - دەيدى باس پروكۋروردىڭ ورىنباسارى.
ەسكە سالا كەتسەك، 2019 جىلدىڭ قاڭتارىندا بەرگەي رىسقاليەۆ سىرتتاي سوت شەشىمىمەن 17 جىلعا، باۋىرى امانجان رىسقالي 16 جىلعا سوتتالىپ، مۇلىكتەرى تاركىلەنگەن.
بەرگەي رىسقاليەۆكە 2006 جىلى قىلمىستىق توپ قۇردى، اتىراۋ وبلىسىنداعى ءتۇرلى قۇرىلىس جوبالارىن پايدالانىپ، 72 ملرد تەڭگە جىمقىردى دەگەن ايىپتار تاعىلعان بولاتىن.
«ادىرنا» ۇلتتىق پورتالى
