سىزگە الدەبىر كەشتى ۇيىمداستىرۋدى سەنىپ تاپسىردى دەيىك، سۋرەتتە بەرىلگەن تاعامداردىڭ قايسىسىن ۇستەلگە قويار ەدىڭىز؟
1. بۇيرەكشە ءبالىش (پونچيك) – كەز كەلگەن جيىندى وڭاي ۇيىمداستىراسىز. بۇل قولىڭىزدان كەلەدى. ءاپ دەگەننەن-اق بارلىعىن جوسپارلاپ، ەسەپتەپ ۇلگەرەسىز جانە وسىلاي كوپشىلىكتىڭ قىزىعۋشىلىعىن تۋعىزاسىز. سىزگە بۇل قابىلەت ومىرلىككە جارايدى. كەز كەلگەن كەشتىڭ ۇيىمداستىرۋشىسى قىزمەتىن اتقارا الاسىز، سونىمەن قاتار باسقارۋ قىزمەتتەرىن دە الىپ جۇرە الاسىز.
2. ءتاتتى نان – ءسىزدىڭ ۇيىمداستىرۋشىلىق قابىلەتىڭىز تەك جۇمىسقا عانا جارايدى. ەگەر بۇل سالادا قىزمەت ەتپەيتىن بولساڭىز، بىرنارسە ۇيىمداستىرامىن دەپ تىراشتانباي-اق قويىڭىز. بارلىعى كەرى كەتۋى مۇمكىن. ەگەر مەرەكەنى اتاپ ءوتۋ كەرەك بولسا، بۇل ءىستى كاسىبي ماماندارعا سەنىپ تاپسىرىڭىز.
3. چيپس – تاڭداۋىڭىز وسى بولسا، ءسىز ورتانىڭ گۇلىسىز. ماڭىزدى مەرەكەلەر، ءتىپتى قاراپايىم وتىرىستاردىڭ ءوزى ءسىز بولماساڭىز قىزىقسىز كورىنەدى. وسى تۇسىڭىز باسىم. الايدا ۇيىمداستىرۋشىلىق قابىلەتىڭىزبەن توپ جارا المايسىز. بۇيىرماعاندى قۋىپ جەتە المايسىز. ونىڭ ورنىنا تاعدىر تارتۋ ەتكەن دارىنىڭىزدى دامىتۋعا تىرىسىڭىز.
4. كامپيت. ومىرىڭىزدە بارلىعى قالاۋىڭىزعا بايلانىستى. ەرىك-جىگەرىڭىز مىقتى. ەگەر ءبىر نارسە ۇيىمداستىرعىڭىز كەلسە، قايتسەڭىز دە ويداعىداي ەتىپ جاسايسىز. ءتىپتى عالامات ۇلكەن مەرەكەنى دە كەرەمەت وتكىزىپ شىعاسىز. ال ءوز قالاۋىڭىزدان تىس ءبىر نارسە ايتىلسا، ودان تۇك شىقپايدى.
5. كارامەل الما – كەز كەلگەن مەرەكەنى ۇيىمداستىرا الاتىن بىرەگەي ادامسىز. مويىنعا العان ىسىڭىزگە اسا جاۋاپكەرشىلىكپەن قارايسىز. ودان بولەك، ادامداردىڭ دا بابىن تابا بىلەسىز، بۇل سىزگە ءار تويدى جوعارى دەڭگەيدە اتقارۋعا كومەكتەسەدى.
6. كاناپە – ءسىز تۋا ءبىتتى ۇيىمداستۋرشىسىز. بۇل قابىلەتىڭىزدى ءومىر بويى قولدانا الاسىز. سىزدەن وتە جاقسى باسشى، ادمينيستراتور شىعادى، ۇيىمداستىرۋعا قاتىستى كەز كەلگەن جۇمىستى دوڭگەلەتىپ اكەتەسىز.
ۇيىمداستىرۋشىلىق قاسيەتى كەيبىرەۋدە تۋا ءبىتتى داميدى، ەندى بىرەۋدە جۇرە قالىپتاسادى. باستىسى قالاۋىڭىز وسى بولسا، ءوزىڭىزدى دامىتا وتىرىپ ماقساتقا جەتەسىز.
massaget.kz
