13 قازان 00.00 ساعاتتان باستاپ ماڭعىستاۋ وبلىسىندا كارانتين تالاپتارى كۇشەيتىلەدى، دەپ حابارلايدى «ادىرنا» ۇلتتىق پورتالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعىنا سىلتەمە جاساپ.
وبلىستىڭ باس سانيتار دارىگەرىنىڭ 28 تامىز كۇنى شىققان قاۋلىسىنا وزگەرىستەر ەنگىزىلدى.
- "تاماقتانۋ ورىندارى، ءدامحانالار مەن ءىرى سۋپەرماركەتتەر جۇمىسى 21.00-گە دەيىن قىسقارادى.
- قوعامدىق كولىكتەر سەنبى، جەكسەنبى كۇندەرى جۇمىسىن توقتاتادى.
- فيتنەس ورتالىقتارى مەن جاتتىعۋ زالدارىنىڭ جۇمىسى توقتاتىلادى.
- ازىق-تۇلىكتەن باسقا بارلىق بازاردىڭ جۇمىس ۋاقىتى 16.00-گە دەيىن قىسقارادى.
- توي مەن ۇجىمدىق شارالارعا رەيد كۇشەيتىلەدى",-دەلىنگەن حابارلامادا.
«ادىرنا» ۇلتتىق پورتالى
