"زۇلمات جىلدار قاسىرەتى" ونلاين كونفەرەنتسياسى ءوتتى

3188
Adyrna.kz Telegram

الماتى قالاسى قوعامدىق دامۋ باسقارماسىنىڭ قولداۋىمەن "ادىرنا" ۇلتتىق-ەتنوگرافيالىق بىرلەستىگى "تاريحتان تاعىلىم" جوباسى بويىنشا الاش جانە اشارشىلىق تاقىرىبىنا بايلانىستى «زۇلمات جىلدار قاسىرەتى» اتتى ونلاين كونفەرەنتسيا وتكىزدى. ونلاين كونفەرەنتسيادا تاريح عىلىمىنىڭ دوكتورى، پروفەسسور حانگەلدى ءابجانوۆ اشارشىلىق زاردابىمەن قاتار، زۇلمات جىلدارداعى ناقتى دەرەكتەردى اتاپ كورسەتتى. اشارشىلىق كەزىندە 10-11 جاستا بولعان اكەسىنىڭ، 40-قا تاياپ قالعان اتاسىنىڭ ايتقانى ءالى دە قۇلاعىندا جاڭعىرىپ تۇرعانىن ايتتى. سونىمەن قاتار زۇلمات جىلدار قاسىرەتىن كورگەن ارىستاردىڭ ۇرپاقتارىنىڭ ايتقان ەستەلىكتەرىن جيناپ، ءبىر رەتكە كەلتىرۋدى دە ۇسىندى.

تاريح عىلىمىنىڭ دوكتورى، پروفەسسور تالاس وماربەكوۆ وراز جاندوسوۆتىڭ گولوششەكينگە جازعان حاتى جايىنداماعلۇمات بەردى. گولوششەكين اياۋشىلىق بىلدىرەر دەگەن وراز جاندوسوۆ حاتقا حالىقتىڭ قىناداي قىرىلىپ جاتقانىن، جاس بالالاردىڭ اشتىقتان ءيتتىڭ ولىمتىگىن جەپ جۇرگەندىگى تۋرالى جازعاندىعىن ايتادى.

كونفەرەنتسيا بارىسىندا ساياسي قۋعىن-سۇرگىن قۇرباندارى مۋزەيىنىڭ مەڭگەرۋشىسى مەيىرجان مۇساباەۆ پىكىرىمەن ءبولىسىپ، جيىنعا بايلانىستى العىسىن ءبىلدىردى. باتىس قازاقستان وبلىسى، ورال قالاسىنداعى جاڭگىر حان اگرارلىق-تەحنيكالىق ۋنيۆەرسيتەتىنىڭ 2-كۋرس ستۋدەنتى مۇحاممەد-ءالى قۋانىشكەرەيتەگى تاقىرىپ توڭىرەگىندە ءوز ۇسىنىستارىن ايتىپ، تاريحشى عالىمدارعا سۇراق قويدى.

كونفەرەنتسيا سوڭىندا "ادىرنا" ۇلتتىق-ەتنوگرافيالىق بىرلەستىگىنىڭ پرەزيدەنتى ارمان اۋباكىر قاتىسقان بارشا ادامدارعا العىس ايتتى. 2 ساعاتقا جۋىق ۋاقىتقا سوزىلعان كونفەرەنتسيانىڭ ماتەريالدارى، قىسقارتىلعان نۇسقالارى ادىرنا ۇلتتىق پورتالىنىڭ You Tube كانالىندا، فەيسبۋك پاراقشاسىندا جاريالاناتىن بولادى.

"ادىرنا" ۇلتتىق پورتالى

پىكىرلەر