شىمكەنتتە 4 مەكتەپتىڭ قۇرىلىسى اياقتالدى
بيىل شىمكەنت قالاسىندا 7020 ورىندىق 13 مەكتەپ سالىنۋدا. وسى جىلدىڭ 9 ايىنىڭ قورىتىندىسىنا سايكەس 3900 ورىندىق 4 مەكتەپ پايدالانۋعا بەرىلدى.
اتاپ ايتقاندا، سامال-3 شاعىن اۋدانىنداعى 1200 ورىندىق ەكى مەكتەپ، اسار-2 شاعىن اۋدانىنداعى 1200 ورىندىق 1 مەكتەپ جانە ءابدىلاباد تۇرعىن الابىندا ورنالاسقان 300 ورىندىق 1 ءبىلىم وشاعىنىڭ قۇرىلىسى اياقتالدى.
ودان بولەك، №23 مەكتەپتىڭ 300 ورىندىق قوسىمشا عيماراتىنىڭ قۇرىلىسى قازان ايىنىڭ سوڭىنا دەيىن قولدانىسقا بەرىلەدى دەپ كۇتىلىپ وتىر. ال، جىل سوڭىنا دەيىن ارقايسىسى 300 ورىندىق بولاتىن №17, №62, №84 مەكتەپ جانە 1 ونەر مەكتەبىنىڭ قۇرىلىسى بىتەدى.
قالعان 1920 ورىندىق 4 مەكتەپتىڭ قۇرىلىسى كەلەر جىلى اياقتالادى دەپ كۇتىلۋدە. جىل سوڭىندا اپاتتى مەكتەپ سانى 1-گە ازايسا، ءۇش اۋىسىمدى مەكتەپتەردىڭ سانى ەكىگە قىسقاراتىن بولادى.
شىمكەنت قالاسى اكىمىنىڭ ءباسپاسوز قىزمەتى
