سوڭعى كەزدە اينۇر تۇرسىنباەۆا ايتىپ جۇرگەن «ستاقانداعى سۋ» تەحنيكاسى تۋرالى سىني پىكىرلەر قاپتاپ كەتكەن ەدى. ولاردىڭ كوبى بۇل تەحنيكانىڭ نەگىزسىز جانە سەرىك قوسۋ ەكەنىن ايتۋدا دەپ حابارلايدى «ادىرنا» ۇلتتىق پورتالى kznews.kz سايتىنا سىلتەمە جاساپ.
«مەن العاش موتيۆاتسيالىق كىتاپتاردى اقتارىپ باستاعاندا ەڭ ءبىرىنشى وقىعانىم زەلاندتىڭ “ترانسەرفينگ” كىتابى بولدى. قاتتى ۇناعان سوڭ قازاقشالاي باستادىم… كەلىسپەيتىن جەرلەرىم دە بار ارينە.
ىشىندە اتاقتى “ستاقانداعى سۋ” تەحنيكاسى تۋرالى جازىلعان.. كەيىننەن يۋتۋبتا باتىستىڭ ەزوتەريكتەرىنىڭ باسىم بولىگى سونى قولداناتىنىن ءبىلدىم. دىننەن حابارى بار ءبىر اعادان سۇراعانىمدا “سۋعا دەم سالىپ ءىشۋ يسلامدا دا بار” دەگەسىن ساباقتارىمدا ءوزىم دە قولداندىم. مەن ءبىراز بولدى اراب ءتىلىن ۇيرەنىپ باستاپ جاتىرمىن… اراسىندا ايات، سۇرە، حاديستەردى وقيمىن. ەڭ قىزىعى زەلاندتىڭ دا، كەحونىڭ دا، ديسپەنزونىڭ دا، باسقالارىنىڭ دا ايتىپ جۇرگەندەرى قۇراندا بار بولىپ شىقتى.. جانە جاساپ جۇرگەن تەحنيكالارىما كۇدىك پايدا بولدى…
جولداسىم قۇراندى ەمىن-ەركىن بولماسا دا ءبىر كىسىدەي وقي الادى ، وسىنى ناقتىلاپ بەرشى دەپ ەدىم، “سەن دەم سالىپ ۇيرەتىپ جاتقان جوقسىڭ، سۋدان سۇراتىپ ۇيرەتىپ كەتىپسىڭ، بۇل كۇنانىڭ ۇلكەنى” دەپ كەسىپ ايتتى… سونىمەن 2 راكاعات تاۋبا نامازىن وقىپ، ول تەحنيكانى توقتاتىپ تاستاعانىما 1 ايدان اسقان… قىزىق بولعاندا توقتاتقان كۇننەن باستاپ الدىمنان اينالىپ شىعا بەردى.. ايقايلاپ ايتىپ جۇرگەندە ەشكىم ۇندەمەي، ەندى جاۋىپ تاستاعاندا نەگە بۇل تاقىرىپ ۋشىعىپ كەتتى دەگەن ويعا قالدىم… قۇراندى ەركىن وقيتىن ءبىر مۇسىلمانعا حابارلاسىپ “نەگە بۇلاي بولىپ جاتىر” دەپ كەڭەس سۇراسام “جۇرت سەنىڭ توقتاتقانىڭدى بىلمەيدى عوي، جۇرتتىڭ الدىنداعى ابىرويدى ەمەس الللانىڭ الدىنداعى ابىرويدى ويلاپ بۇل تەحنيكانى مۇلدە قولدانبايتىنىڭىزدى ايتىپ، قاتەلەسكەنىڭىزدى مويىنداپ پوست جازساڭىزشى” دەدى…
اللانىڭ مەيىرىمى انامىزدان 99 ەسە كوپ ەكەن عوي، البەتتە قاتەلەسكەننىڭ دۇعاسىن قابىل ەتەدى…باسىم جەرگە جەتكەنشە ءيىلىپ سىزدەردەن دە كەشىرىم سۇرايمىن… بۇگىنگى قاري كىسىدەن ەستىگەن ءبىر جاقسى دۇنيەم، اۋىرعان ادام سۋعا ءوزى دەم سالىپ فاتيحا، فالاق، ناس سۇرەسىن وقىپ جىبەرىپ ىشسە اللا شيپاسىن بەرەدى ەكەن… لايىم، اللا ءبىزدى اداسۋدان ساقتاسىن… جۇرەگىمدى جىلاتقان ءبىر جاعدايدى ايتا كەتەيىن.. بۇگىن ءبىر التىن قىز “نەگىزى دۇرىس ەمەس ەكەنىن بىلەتىن ەدىم، بىراق سەن رەنجىپ قالا ما دەپ ايتا الماي، كۇندە تاحادجۋد نامازىن وقىپ اللادان سەن ءۇشىن دۇعا جاساپ ءجۇر ەدىم، اللاعا شۇكىر” دەپ جىلاپ قالدى.. شىن جاناشىر باۋىر دەگەن وسى شىعار…
«…اللا تاۋبە ەتۋشىلەردى جاقسى كورەدى ءارى تازا بولۋشىلاردى دا جاقسى كورەدى». («باقارا» سۇرەسى، 222-ايات)».
مۇنى وقىعان وقىرماندارى «مەن دە ستاكانداعى سۋ تەحنيكاسىن جاساپ جۇرگەنمىن. بىراق، سوڭعى كەزدە نەلىكتەن ەكەنىن بىلمەيمىن، جۇرەگىم تارتپاي ىشپەي ءجۇردىم، 2 كۇن ستاكاندا تۇرىپ قالعان سۋدى گۇلدەرگە قۇيىپ ءجۇردىم، ەندى مىنە جاۋاپ دەگەن كەلدى.
اللانىڭ قۇدىرەتى كۇشتى دەگەن وسى ەمەس پە»، «جازعانىڭىز دۇرىس بولدى» دەگەن سىندى پىكىرلەرىن جازۋدا.
