مامين حۋلۋسي اكاردى قابىلدادى

2018
Adyrna.kz Telegram

قر پرەمەر-ءمينيسترى اسقار مامين تۇركيا رەسپۋبليكاسىنىڭ قورعانىس ءمينيسترى حۋلۋسي اكاردى قابىلدادى، دەپ حابارالايدى "ادىرنا"  primeminister.kz - كە سىلتەمە، جاساپ.

ۇكىمەت باسشىسى قازاقستان مەن تۇركيا اراسىنداعى ىنتىماقتاستىقتىڭ جوعارى دەڭگەيىن اتاپ ءوتتى.

«ەكىجاقتى ءوزارا ءىس-قيمىلدى كەڭەيتۋدە ءبىزدىڭ مەملەكەتتەرىمىزدىڭ باسشىلارى اراسىندا قالىپتاسقان دوستىق قارىم-قاتىناس ۇلكەن ءرول اتقارادى. ەكىجاقتى فورماتتا قارقىندى جۇرگىزىلىپ جاتقان سىندارلى ديالوگپەن قاتار بۇۇ، يىۇ، ەقىۇ جانە اىسشك شەڭبەرىندەگى پراكتيكالىق ءوزارا ءىس-قيمىل تابىستى دامۋدا»، — دەدى ا. مامين.

تۇركيا قازاقستاننىڭ نەگىزگى ساۋدا سەرىكتەستەرىنىڭ توپ 10 ەلىنىڭ قاتارىنا كىرەدى. قر مەن تر اراسىنداعى تاۋار اينالىمى 2019 جىلدىڭ قورىتىندىسى بويىنشا $3 ملرد-تان استى. اعىمداعى جىلدىڭ 8 ايىندا ەكىجاقتى ساۋدا وتكەن جىلدىڭ سايكەس كەزەڭىمەن سالىستىرعاندا 1,4%-عا ءوسىپ، $2,1 ملرد قۇرادى، قر تاۋەلسىزدىك جىلدارىندا تۇركيادان قازاقستانعا تىكەلەي ينۆەستيتسيالار اعىنى $3,7 ملرد-تان استى.

تاراپتار ەكى ەلدىڭ اسكەري ءبىلىم بەرۋ جانە قورعانىس-ونەركاسىپ كەشەنى سالالارىنداعى ىنتىماقتاستىعىنىڭ جاي-كۇيى مەن پەرسپەكتيۆالارىن، ونىڭ ىشىندە تۇرىك كومپانيالارىنىڭ قوك سالاسىندا بىرقاتار ينۆەستيتسيالىق جوبالاردى ىسكە اسىرۋىن تالقىلادى.

كەزدەسۋگە قر قورعانىس ءمينيسترى ن. ەرمەكباەۆ پەن قر يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ قاتىستى.

"ادىرنا" ۇلتتىق پورتالى

پىكىرلەر