ورالدا كارانتين كەسىرىنەن قىرۋار شىعىنعا باتتىق دەگەن كاسىپكەرلەر ايماقتىڭ باس سانيتار دارىگەرى وتستاۆكعا كەتسىن دەپ تالاپ قويدى.
نارازى جۇرتتىڭ سوزىنشە، وڭىردە وتە قاتال شەكتەۋلەر بەكىتىلگەن. ونىڭ سوڭى بانكروتتىققا اكەپ سوقتىرعان. بيزنەسمەندەر وڭىردە كارانتين تالاپتارىنىڭ نەلىكتەن بارىنشا كۇشەيتىلگەنىن تۇسىنبەي وتىر.
شاعىن دەمەسەڭ، ايماققا ايگىلى ساۋدا ورنى. قازىر ءىشى قاڭىراپ بوس تۇر. نىسان اكىمشىسىنىڭ سوزىنشە، كاسىپكەرلەردىڭ كوبى جالعا الۋ اقىسىن تولەي الماي تەنتىرەپ كەتكەن. كەيبىرى ساۋداسىن جاساپ ءجۇر. بىراق پايدا تاۋىپ جاتقانى شامالى. مۇندا بۇرىن 48 كاسىپكەر بولسا، قازىر تەك 13.
«ادىرنا» ۇلتتىق پورتالى
