ادام مىنەزى ونىڭ ءار ىزىنەن، ءار ىسىنەن كورىنىس تاۋىپ وتىرادى. اسىرەسە، كيگەن كيىمىنە قاراپ بولمىسىنا بويلاۋ وڭاي. ءسىز بەرىلگەن بەس بەينەدەن وزىڭىزگە ەڭ ۇنامدىسىن تاڭداساڭىز، ءبىز مىنەزىڭىز جايىندا سىر شەرتەمىز.
1-كويلەك. ساق ءارى مەيىرىمدى ادامسىز. ءومىردىڭ كەلەڭسىز كەزدەرىن نازاردان تىس قالدىرىپ، تەك جاقسىلىقتى كورۋگە ۇمتىلاسىز. كوپشىلىك اراسىندا كوزگە تۇسكەن ۇنامايدى، بىراق ۇنەمى ءمىنسىز بوپ جۇرەسىز. رومانتيزمگە باي، نازىك جاراتىلىسسىز، مىنەزىڭىز دە جىبەكتەي. ايەلگە ءتان ءالسىز تۇستارىڭىزدى ورىندى قولدانا بىلەسىز.
2-كويلەك. جاڭا عانا تىگىلگەن كيىمى وزىنە قۇيىپ قويعانداي – بۇل تەڭەۋ تۋرا سىزگە ارنالعان. جەتىستىككە جەتۋ قۇپياسىن ەشكىممەن بولىسپەيتىن جانسىز. تەڭدەسسىز ستيلىڭىزبەن، تاڭداۋلى تالعامىڭىزبەن باسقالاردان ايرىقشالانا تۇسەسىز. وزگەلەردىڭ تامسانا قاراعان كوزقاراسىنا ەتىڭىز ۇيرەنگەن. اسىرەسە ەر ادامدار سىزگە كوپ كوڭىل بولەدى، بىراق ءسىز ولاردى كوزگە دە ىلمەيسىز.
3-كويلەك. قۇپيا بەيتانىس. ءسىزدىڭ بۇكىل ءومىرىڭىز ساحنانىڭ سىرتىنداي سىرعا تولى. وعان ءتىپتى جاقىندارىڭىزدىڭ ءوزى بويلاي المايدى. كەز كەلگەن شەكارانىڭ بۇزىپ-جارىپ وتە الاسىز. ال گاردەروبىڭىز كلاسسيكاعا تۇنىپ تۇر. وزىڭىزگە وتە سەنىمدىسىز. ەرلەر وزىڭىزگە قانداي كوزقاراستا ەكەنىن جاقسى بىلەسىز ءارى مۇنى جاقسى قولدانا الاسىز.
4-كويلەك. تويدىڭ گۇلى. ماقتاۋسىز تۇرا المايسىز. وزگەلەردىڭ سىناپ-مىنەۋىن كوتەرە المايسىز، سەبەبى ءوز ىسىڭىزگە سەنىمدىسىز. شىعارماشىلىق جاراتىلىس دەپ ءسىزدى ايتۋعا بولادى، كرەتيۆتىك شەشىمدەر شىعارۋدى جانىڭىز سۇيەدى. جارقىن حاريزماڭىزدى باسقالار وڭايلىقپەن ەستەن شىعارا المايدى. قيىندىقتار ءسىزدى قورقىتا المايدى، وعان ءتىپتى پىسقىرىپ تا قارامايسىز.
5-كويلەك. وتباسىنىڭ ۇيىتقىسى. اشىق-جارقىن مىنەزىڭىزبەن ەرەكشەلەنەسىز. ءسىزدىڭ بارىڭىز دا، نارىڭىز دا – جانۇياڭىز. سۇيىكتى ادامدارىڭىز ءۇشىن بارلىعىنا بارا الاسىز. ءتىپتى ءوز قالاۋىڭىزدى دا كەيىنگە سىرىپ قويىپ، وزگەلەردىڭ ىرقىنا كونەسىز. سىزگە ەش قاتىسى جوق ادامنان دا كومەگىڭىزدى ايامايسىز ءارى ودان قايتارىمىن كۇتپەيسىز. ءساننىڭ جەتەگىندە كەتپەي، ىشكى جانە سىرتقا دامۋعا ينۆەستيتسيا قۇياسىز.
دەرەككوز: massaget.kz
