وتكەن جىلدىڭ قازان ايىندا تەمىر اۋدانىنىڭ تاسقوپا ەلدى-مەكەنىندەگى قورىمنان تابىلعان سارمات كوسەمىنىڭ قورعانى مەن اشەكەي التىن بۇيىمداردى زەرتتەپ قالىپقا كەلتىرۋدىڭ ءبىرىنشى كەزەڭى اياقتالدى. بۇل جونىندە ءا.ح. مارعۇلان اتىنداعى ارحەولوگيالىق ينستيتۋتتىڭ باس ديرەكتورى باۋىرجان بايتاناەۆ اقتوبە وبلىسىنىڭ اكىمى وڭداسىن ورازالينمەن كەزدەسۋىندە مالىمدەدى. “رۋحاني جاڭعىرۋ” باعدارلاماسى ارقىلى جۇزەگە اسىرىلىپ جاتقان زەرتتەۋ جوباسىنا 7 عىلىم كانديداتى، 4 عىلىم دوكتورى، 2 اكادەميك جۇمىلدىرىلعان. جوبانى زەرتتەۋ 3 كەزەڭنەن تۇرادى. تاريحي جادىگەرلەر تولىق زەرتتەلگەن سوڭ اقتوبە وبلىستىق تاريحي- ولكەتانۋ مۋزەيىنە تاپسىرىلىپ، كوپشىلىك نازارىنا ۇسىنىلماق. وڭداسىن ورازالين ينستيتۋت ديرەكتورىنا زەرتتەۋدىڭ ەكىنشى كەزەڭىن جۇيەلى جالعاستىرۋدى، سارمات جاۋىنگەرىنىڭ بۇيىمدارىن رەستاۆراتسيالاۋ جۇمىستارىن الداعى جىلدىڭ كوكتەمىندە اياقتاۋ كەرەكتىگىن تاپسىردى. ايتىپ وتەيىك، بۇدان وزگە دە “اقتوبە وبلىسىنىڭ كيەلى جەرلەرىنىڭ گەوگرافياسى" عىلىمي باعدارلاماسى اياسىندا ينستيتۋت تاراپىنان ءىرى جەتى عىلىمي - زەرتتەۋ جوبالارى ورىندالۋدا.
