ايدوس ەربوسىنۇلى جەڭىلىپ كورمەگەن گانالىق بوكسشىنى نوكاۋتقا ءتۇسىردى

7537
Adyrna.kz Telegram

تاۋەلسىزدىك كۇنى ەلورداداعى جاقسىلىق ۇشكەمپىروۆ اتىنداعى جەكپە-جەك سارايىندا كاسىپقوي بوكس كەشى ءوتتى، دەپ حابارلايدى «ادىرنا» قازاقپاراتقا سىلتەمە جاساپ.

«كوشپەندىلەر شايقاسى» اتتى كاسىپقوي بوكس كەشىن «SuleimenPromotions» پروموۋتەرلىك كومپانياسى ۇيىمداستىردى.

بوكس كەشىندە شارشى الاڭعا شىققان قازاقستاندىق بىلعارى قولعاپ شەبەرلەرى بەك نۇرماگانبەت (2-0, 1 كو), ەۆگەني پاۆلوۆ (2-0, 2 كو), بەكزات نۇرداۋلەتوۆ (1-0, 1 كو) جانە دانيلا سەمەنوۆ (1-0, 1 كو) قارسىلاستارىن قاپى قالدىردى.

سونداي-اق، كەشتىڭ باستى جەكپە-جەكگىندە ەكىنشى ورتا سالماقتا ونەر كورسەتىپ جۇرگەن قازاقستاندىق كاسىپقوي بوكسشى ايدوس ەربوسىنۇلى (14-0-0,9كو) جەڭىلىپ كورمەگەن گانالىق بوكسشى يسسا ساميرمەن (19-0-0,16كو) قولعاپ ءتۇيىستىرىپ، قارسىلاسىن ءۇشىنشى راۋندتا تەحنيكالىق نوكاۋتپەن جەڭدى. وسىلايشا، ەربوسىنۇلى وزىنە تيەسەلى WBC Asia, WBAInternational جانە WBO Global تيتۋلىن ءساتتى قورعاپ قالدى.

ەسكە سالا كەتەيىك، ايدوس ەربوسىنۇلى سوڭعى رەت مينسكىدە شارشى الاڭعا شىعىپ، گەرمانيالىق بوكسشى نۋحۋ ءلاۆالدى (27-8-0,15 كو) تورەشىلەر شەشىمىمەن جەڭگەن بولاتىن.

«ادىرنا» ۇلتتىق پورتالى

پىكىرلەر