2020 جىل بويىنشا قازاقستاندىق جوعارى وقۋ ورىندارىنىڭ رەيتينگى جاريالاندى. زەرتتەۋ جۇمىستارىن قر ءبىلىم جانە عىلىم مينيسترلىگىنىڭ تاپسىرىسى بويىنشا جۇمىس بەرۋشىلەردىڭ قاتىسۋىمەن "اتامەكەن" ۇلتتىق كاسىپكەرلەر پالاتاسى جۇرگىزدى. رەيتينگكە ءىىم، ۇقك جانە قورعانىس مينيسترلىگىنە باعىنىشتى جوو-لاردان باسقا ەلىمىزدىڭ بارلىق جوعارى وقۋ ورنى قاتىستى.
رەيتينگ ناتيجەسى بويىنشا انىقتالعان مىقتى ۋنيۆەرسيتەتتەردىڭ وندىعىندا اكادەميالىق ادالدىق ليگاسىنىڭ قۇرامىنداعى ۋنيۆەرسيتەتتەر دە بار:
- م. س. نارىكباەۆ اتىنداعى كازگيۋ ۋنيۆەرسيتەتى;
- قازاقستان-بريتان ۋنيۆەرسيتەتى;
- كيمەپ ۋنيۆەرسيتەتى;
- حالىقارالىق اقپاراتتىق تەحنولوگيالار ۋنيۆەرسيتەتى;
- قازاقستان-نەمىس ۋنيۆەرسيتەتى;
- سۇلەيمەن دەميرەل اتىنداعى ۋنيۆەرسيتەت;
- ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى;
- حالىقارالىق ءبىلىم بەرۋ كورپوراتسياسى;
- اكادەميك ە. ا. بوكەتوۆ اتىنداعى قاراعاندى ۋنيۆەرسيتەتى;
- نارحوز ۋنيۆەرسيتەتى.
108 ۋنيۆەرسيتەت بويىنشا 2 مىڭعا جۋىق ءبىلىم بەرۋ باعدارلاماسىن زەرتتەۋ جۇمىسىنا 6 مىڭ ساراپشى قاتىسقان. رەيتينگ جوعارى وقۋ ورىندارىنىڭ ارتىقشىلىقتارىن انىقتاۋ، بەدەلىن كوتەرۋ جانە ءبىلىم بەرۋ ساپاسىنىڭ ۇلتتىق جانە حالىقارالىق نارىقتا دەڭگەيىن كوتەرۋگە باعىتتالعان. زەرتتەۋ بارىسىندا تۇلەكتەردىڭ جۇمىسقا ورنالاسۋ كورسەتكىشتەرى، جوعارى وقۋ ورىندارىنداعى ءبىلىم بەرۋ باعدارلامالارىنىڭ ساپاسى جانە ءبىلىم الۋشىلاردىڭ جەتىستىكتەرى ەسكەرىلدى.
مەملەكەت باسشىسى قاسىم-جومارت توقاەۆ 2020 جىلى 27 مامىردا وتكەن ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا جوعارى وقۋ ورىندارى اراسىندا باسەكەلەستىكتى دامىتۋ قاجەتتىگىن اتاپ ءوتتى. باسەكەلەستىكتى دامىتۋدىڭ بىردەن ءبىر جولى - قازاقستاندىق جوعارى وقۋ ورىندارىنىڭ ءبىلىم بەرۋ باعدارلامالارى نارىقتاعى سۇرانىسقا قانشالىقتى ساي كەلەتىنىن انىقتاۋ، جوو-لار اراسىندا رەيتينگ جاساۋ.
اكادەميالىق ادالدىق ليگاسىنىڭ ءباسپاسوز قىزمەتى
8 (7172) 70-30-42
انىقتاما. ليگانىڭ نەگىزگى ماقساتى اكادەميالىق ادالدىق قاعيداتتارىن ىسكە اسىرۋ جانە ىلگەرىلەتۋ ارقىلى جوعارى ءبىلىم بەرۋ ساپاسىن ارتتىرۋ. ليگانىڭ قىزمەتى الەمنىڭ ەڭ ۇزدىك ۋنيۆەرسيتەتتەرىنىڭ تاجىريبەلەرىنە نەگىزدەلگەن 10 قاعيداتتارمەن تىعىز بايلانىستى.
باسقالارمەن بولىسە
وتىرىڭىز
