«قوعامدىق پىكىر» عىلىمي-زەرتتەۋ ينستيتۋتى Exit poll ناتيجەسىن جاريالادى، دەپ حابارلايدى «ادىرنا» ءتىلشىسى «Qazaqstan» ۇلتتىق ارناسىنا سىلتەمە جاساپ.
قازاقستاننىڭ «قوعامدىق پىكىر» عىلىمي-زەرتتەۋ ينستيتۋتى قازاقستاندا وتكەن پارلامەنت ءماجىلىسى جانە ءماسليحاتتار سايلاۋى بويىنشا ساۋالناما قورىتىندىسىن جاريالادى. ينستيتۋت ساۋالنامانىڭ قاتەلىگى - 2% شاماسىندا دەيدى.
Exit poll قورىتىندىعا سۇيەنسەك، Nur Otan پارتياسى - 71,97%، AqJol پارتياسى - 10,18%، Adal پارتياسى - 3,7%، اۋىل پارتياسى - 5,75%، قازاقستاننىڭ حالىق پارتياسى سايلاۋشىلاردىڭ 9,3% داۋىسىن جيناعان.
«قوعامدىق پىكىر» عىلىمي-زەرتتەۋ ينستيتۋتىنىڭ ديرەكتورى اينۇر ءماجيتوۆا حابارلاعانداي، ينستيتۋت قىزمەتكەرلەرى 600 سايلاۋ ۋچاسكەسىندە ساۋالناما جۇرگىزگەن. ساۋالناماعا شامامەن 24 مىڭ ادام قاتىسقان.
«ساۋالناماعا قاتىسقان ازاماتتارعا ءبىر سۇراق - «قازاقستان رەسپۋبليكاسى پارلامەنتتىك سايلاۋىندا قاي پارتياعا داۋسى بەردىڭىز؟» سۇراق قويدىق. Exit poll-دىڭ ناتيجەلەرى. سايلاۋشىلاردىڭ 9,3% قازاقستاننىڭ حالىق پارتياسىنا، 71,97% Nur Otan پارتياسىنا، 5,75% اۋىل پارتياسىنا، 10,18% AqJol پارتياسىنا، 3,7% Adal پارتياسىنا داۋىس بەرگەندەرىن ايتقان»، - دەپ حابارلادى ءاينۇر ءماجىتوۆا.ەستەرىڭىزگە سالا كەتەيىك، وسى پارتيالار بارلىعى 312 ادامدى ءماجىلىس دەپۋتاتتىعىنا ۇمىتكەر رەتىندە ۇسىنىپ وتىر. ونىڭ ىشىندە اۋىل – 19, Nur Otan– 126, اdal– 16, AqJol – 38, قازاقستان حالىق پارتياسى 113 ادامدى ۇمىتكەر ەتكەن.
«ادىرنا» ۇلتتىق پورتالى
