ۇلىبريتانيا پرەمەر-ءمينيسترى بوريس دجونسون كوروناۆيرۋس پاندەمياسىنىڭ پايدا بولۋىنا «پانگوليندەردى قولدانىپ ەمدەۋ تاجىريبەسىن وتكىزۋ ءادىسى سەبەپ بولعانىن» ايتقان.
- ەر ادامداردىڭ قاۋقارىن ساقتاۋدا پانگوليندەردىڭ قابىرشاعىن قولدانۋ ميعا قونىمسىز. كوروناۆيرۋس پاندەمياسى ادام مەن تابيعات اراسىنداعى ديسبالانس ناتيجەسىندە بولعان. ۆيرۋس جارقاناتتاردان نە پانگوليندەردەن، سول جانۋاردىڭ قابىرشاعىن ۇگىتكەن كەزدە سىزدە قانداي دا ءبىر كۇش نە تاعى باسقاسى پايدا بولادى دەگەن ويدان تارادى، - دەگەن ەدى دجونسون.
ونىڭ بۇل ءسوزىن ۇلىبريتانيالىق Daily Mail باسىلىمى وسىلايشا دجونسون ءداستۇرلى قىتايلىق مەديتسينانى «سىناپ تاستادى» دەپ بولجاعان.
كەيىن قىتاي سىرتقى ىستەر مينيسترلىگى ونىڭ بۇل سوزىنە جاۋاپ بەردى. قىتاي ءسىم رەسمي وكىلى چجاو ليتسزيان كوروناۆيرۋس قايدان پايدا بولعانىن انىقتاۋ ىسىمەن عالىمدار اينالىسقانى دۇرىس ەكەنىن ايتتى.
- بۇل ماسەلەگە قاتىستى ءتۇرلى بولجامىن ايتىپ، شۋ تۋعىزاتىن ادامدارعا ورىن جوق. ول حالىقارالىق ىنتىماقتاستىققا تەرىس اسەرىن تيگىزەدى، - دەدى ديپلومات.
ايتا كەتەيىك، بۇعان دەيىن باق-تا قىتايدا كوروناۆيرۋستىڭ قايتا ءورشىپ جاتقانى حابارلانعان. سوڭعى تاۋلىكتە اتالعان ەدى 115 ناۋقاستان كوروناۆيرۋس انىقتالعان ەكەن.
Abai.kz
