2021 جىلى ءسىزدى نە كۇتىپ تۇر؟

5980
Adyrna.kz Telegram

اتاقتى استرولوگ پاۆەل گلوبا جۇلدىز بەلگىلەرىنىڭ ارقايسىسى ءۇشىن 2021 جىلعا ارنالعان ەگجەي-تەگجەيلى جۇلدىز جورامالدى ۇسىندى دەپ جازادى «ادىرنا» ۇلتتىق پورتالى Stan.kz اگەنتتىگىنە سىلتەمە جاساپ. سوزىنشە، 2021 جىلى بىرقاتار جۇلدىز بەلگىلەرىن يگىلىكتەر كۇتىپ تۇر. ولار كىمدەر؟ الدا كەلە جاتقان مەتالل - بۇقا جىلىندا ءسىزدى نە كۇتىپ تۇر؟ بۇل جىل كىمگە جاعادى؟

2021 جىلعا ارنالعان جالپى ۇسىنىستار

استرولوگتىڭ ايتۋىنشا، كەلە جاتقان بۇقا جىلى ارىستان، تاۋەشكى جانە بالىقتار ءۇشىن ءساتتى بولادى.

سونداي-اق، توقتى جانە تورپاقتارعا دا بۇل جىل قولايلى بولادى.

ەگىزدەر مەن بيكەشتەر ءۇشىن كەلەسى جىل قاراما-قايشىلىققا، ءتۇرلى كەدەرگىلەرگە تولى بولادى.

ال سۋقۇيعىشتىڭ ۇزاق مەرزىمدى جوسپارلاردان باس تارتىپ، تاعدىر قالاۋىنا كونگەنى دۇرىس.

پاۆەل گلوبانىڭ بولجاۋىنشا، 2021 جىل بىرقالىپتى ءارى تىنىش بولادى، بىراق تاعدىردىڭ كۇتپەگەن جاعدايلارى ورىن الۋى ابدەن مۇمكىن. بۇل ءوزىن-ءوزى دامىتۋعا، سونىمەن قاتار، مانساپتىق جەتىستىكتەرگە قولايلى ۋاقىت. وزدەرىن تەك جاقسى جاعىنان كورسەتە بىلگەندەر جۇمىستا تابىستى بولادى.

13-ءشى بەلگى - جىلان باپتاۋشى بارلىق جۇلدىز بەلگىلەرىنىڭ جالپى بولجامىنا ايتارلىقتاي اسەر ەتەدى. ول اسەرلى، جىگەرلى سەزىم كۇيلەرىن سىيلادى. بۇل جىل الدىڭعى جىل سياقتى كۇيزەلىسكە تولى بولمايدى، بىراق بولاشاق وقيعالاردىڭ بەلگىلى ءبىر نەگىزىن قالايدى.

2021 جىلعا ارنالعان دەنساۋلىق جۇلدىز جورامالى

مەتالل - بۇقا ەرەكشە كۇشى مەن تاباندىلىعىمەن ەرەكشەلەنەتىن جاراتىلىس بولعانىمەن، بارلىعىن دا وسى قاسيەتتەرىمەن ماراپاتتاي المايدى. دەنساۋلىق جاعىنان الداعى جىل وزگەرىسسىز بولمايدى، ادامدار كوبىنە پسيحولوگيالىق تۇرعىدان قينالۋى مۇمكىن. بىراق قۋانىشتىسى جىل سوڭىنا دەيىن ءبارى قالپىنا كەلە الادى.

تاۋەشكى، تورپاق پەن توقتىلار وزدەرىنىڭ ءال-اۋقاتىنا الاڭداماۋىنا بولادى. بىراق بۇل ولاردىڭ ءالسىز تۇستارى جوق دەگەندى بىلدىرمەيدى. ماۋسىمدىق اۋرۋلار، سونداي-اق، پسيحولوگيالىق داعدارىس نەمەسە دەپرەسسياعا ۇشىراۋى ابدەن مۇمكىن. مىندەتتى تۇردە دەمالۋدى جانە اقىلىڭىزدى باسقارۋدى ۇيرەنۋىڭىز كەرەك. بۇل ماسەلەدە مەديتاتسيا مەن يوگا كومەككە كەلەدى. كىشكەنتايدان باستاڭىز، ءبىراز ۋاقىتتان كەيىن ءسىز ءوز ۋاقىتىڭىز بەن كۇشىڭىزدى بەكەر جۇمساماعانىڭىزدى تۇسىنەسىز.

سۋ بەلگىلەرى (شايان، سارىشايان، بالىقتار) كورۋ مۇشەلەرى مەن اس قورىتۋ جۇيەسىنە نازار اۋدارۋى كەرەك. اسىرەسە، تىستەرگە كوڭىل ءبولۋ كەرەك. جۇلدىزدار بۇل بەلگىلەرگە سونىمەن قاتار، بيىكتىككە كوتەرىلۋدەن جانە جۇمىس جاساۋدان اۋلاق بولۋعا كەڭەس بەرەدى. بەلگىلى ءبىر دارەجەدە تاۋەكەل ەتۋگە تۋرا كەلەدى.

2021 جىلى بيكەشتەر وتپەن جۇمىس ىستەگەندە اباي بولۋ كەرەك. كۇيىپ قالۋ قاۋپى بار. وتشاشۋدان، وت جاعۋدان اۋلاق بولىڭىز، ءتىپتى گاز وتتىعى قاۋىپتى بولۋى مۇمكىن.

اۋا بەلگىلەرى (ەگىزدەر، تارازى جانە سۋقۇيعىش) ءۇشىن جىل مۇرىن-جۇتقىنشاق قيىندىقتارىمەن باستالادى. سوزىلمالى اۋرۋلار قوزۋى مۇمكىن. سول سەبەپتى اۋا-رايىنا ساي كيىنگەنىڭىز دۇرىس بولار.

ارىستان مەن مەرگەندەر ءۇشىن جىل كۇيزەلىس پەن مازاسىزدىققا تولى بولادى. جۇيكە بۇزىلۋىنىڭ ىقتيمالدىعى جوعارى. سوندىقتان داۋلارعا، جانجالدارعا ارالاسپاعانىڭىز نەمەسە ارىپتەستەرىڭىز بەن تانىستارىڭىز تۋرالى وسەك تاراتۋدان اۋلاق بولعانىڭىز ءجون. وسىلايشا ىشكى ۇيلەسىمدىلىكتى ساقتاپ، جۇيكەنىڭ سىر بەرۋىنەن ساقتاناسىز.

2021 جىلعا ارنالعان قارجىلىق جۇلدىز جورامالى

مەتالل بۇقا 2021 جىلى اركىمنىڭ ىسىنە بايلانىستى سىي جاسايدى. كوپ ەڭبەكتەنگەندەر، جۇمىسىنىڭ جەمىسىن جەسە، ال جالقاۋلىق تانىتقاندار ايتارلىقتاي ماراپاتقا يە بولمايدى. وڭاي ولجا تابۋدى، وڭاي بايلىققا كەنەلۋدى كوزدەۋدىڭ قاجەتى جوق، ويتكەنى جىل بەلگىسى ءادىل جانە بەيتاراپ. ساتتىلىك ءسىزدىڭ جاقىن سەرىگىڭىز بولسا عانا تاۋەكەل ەتىڭىز. باسقا جاعدايلاردا اقىرىن ءجۇرىپ، انىق باسقانىڭىز ءجون.

كەز كەلگەن جاعدايدا مۇقيات ويلانىپ بارىپ، شەشىم قابىلداڭىز. ءوز جۇمىسىڭىزعا، كاسىبىڭىزگە بايىپپەن قاراڭىز جانە الدا ءسىز مىندەتتى تۇردە تۇراقتى دامۋدى كورەسىز.

2021 جىلعا ارنالعان ماحاببات جۇلدىز جورامالى

جەكە ومىرىڭىزدە ەرەكشە وزگەرىستەردى كۇتۋدىڭ قاجەتى جوق. جالپى العاندا، جاڭا ماڭىزدى قارىم-قاتىناستى باستاۋعا، ۇيلەنۋ تويىن وتكىزۋگە نەمەسە بالالاردىڭ دۇنيەگە كەلۋىنە جىل وتە قولايلى بولادى. مەتالل-بۇقا باسشىلىعىمەن كەز-كەلگەن جاۋاپتى ءارى ويلانعان شەشىمدەر ءساتتى بولادى.

اق بۇقا رومانتيكالىق جانۋارلار قاتارىنا جاتپايدى، سوندىقتان رومانتيكالىق كەزدەسۋلەر نەمەسە تەرەزە استىنداعى سەرەنادالاردى كۇتپەي-اق كويۋىڭىزعا بولادى. ءبىر-ەكى جىلدان استام ۋاقىت بىرگە بولعان جۇپتاردى ايتپاعاندا، ۇشقالاق عاشىق جانداردىڭ ءوزى كەنەتتەن بايىپتى قارىم-قاتىناستى باستاۋ تۋرالى ويلانادى.

جالپى جاعداي 2021 جىل عاشىق بولۋعا وڭتايلى جىل ەمەس ەكەندىگىن كورسەتەدى. ءبىرىنشى ورىندا جۇمىس مىندەتتەرى مەن وتباسى، سودان كەيىن عانا كەزدەسۋلەر مەن ماحاببات قۇرۋ تۇرادى. ۋاقىتتى وتكىنشى سەزىمدەرگە جۇمساماي، بايىپتى قارىم-قاتىناسقا نازار اۋدارعان دۇرىس. بۇعان قوسا، كەز كەلگەن ادام ومىرلىك سەرىك رولىنە ساي بولا بەرمەيتىنىن ەسكەرگەن ءجون.

جۇلدىز بەلگىلەرىنىڭ ارقايسىسى ءۇشىن 2021 اق بۇقا جىلىنا ارنالعان جۇلدىز جورامال

توقتى

بۇل بەلگى وكىلدەرى ءۇشىن اق مەتالل - بۇقا جىلى جەمىستى بولادى. ويلاپ جۇرگەن ارمان-ماقساتتارى ورىندالادى. جاعداي سىزگە تۇزەتۋلەر ەنگىزۋگە مۇمكىندىك بەرىپ تۇرعاندا، بولاشاقتى جوسپارلاۋعا قورىقپاڭىز.

قىس مەزگىلىنىڭ سوڭىندا تۋىستار مەن عاشىقتاردىڭ اراسىنداعى قارىم-قاتىناس شيەلەنىسۋى مۇمكىن. مۇنىڭ سەبەبى - بىرلەسكەن بولاشاق تۋرالى كەلىسپەۋشىلىكتەردىڭ بولۋى. ىمىراعا كەلۋ جولىن ىزدەگەن دۇرىس بولار.

كوكتەم مەزگىلى توقتىلار ومىرىنە تىنىشتىق پەن ىنتىماقتاستىق اكەلەدى. بىراق ەڭبەكتەنۋدى ۇمىتپاڭىز، مەتالل - بۇقا اركىمنىڭ ءوزىنىڭ جاساعانىنا بايلانىستى سىي جاسايدى.

كۇز مەزگىلى توقتىلاردى بولاشاعى مەن مانسابى تۋرالى ويلانۋعا شاقىرادى. نە قالايتىنىڭىزدى شەشىپ، ماقساتىڭىزعا جەتۋگە ۇمتىلىڭىز.

جاز مەزگىلى ءسىز ءۇشىن وتە قولايلى بولادى، بىراق سولاي ەكەن دەپ بوساڭسۋدىڭ قاجەتى جوق.

تورپاق

تورپاقتار ءۇشىن 2021 جىل ومىردەگى وڭاي كەزەڭدەردىڭ ءبىرى بولمايدى. جۇلدىز بەلگىلەرىنىڭ بارلىق وكىلدەرى دەمالىپ، وزدەرىنىڭ ومىرلىك كۇش-قۋاتىن تولىقتىرعىلارى كەلەدى، وكىنىشكە وراي، مۇنداي مۇمكىندىك كەلەر جىلى بەرىلمەيدى.

جىلدىڭ باسى داۋلى بولادى. الدا ۇلكەن كۇتپەگەن شىعىندار كۇتىپ تۇر. نەگىزگى قيىندىقتار قارجى سالاسىمەن بايلانىستى، سونداي-اق، جۇمىستا دا قيىندىقتار تۋىنداۋى مۇمكىن.

كوكتەمنىڭ باستالۋىمەن ءومىر جەڭىلدەيدى. اسىرەسە، جەكە ومىرىڭىزدە جاقسى جاڭالىق ورىن الادى. جالعىزباستى جۇلدىز بەلگىلەرىنىڭ وكىلدەرى ومىرلىك سەرىگىن تابادى، ال ۇزاق ۋاقىت بويى قارىم-قاتىناستا جۇرگەندەر جاڭا دەڭگەيگە كوشۋگە شەشىم قابىلدايدى. ەگەر ۇيلەنۋ تۋرالى شەشىم قابىلداماسا، وندا بىرگە ءومىر سۇرە باستايدى.

جازدىڭ باستالۋى زياندى ادەتتەرى بار ادامدار ءۇشىن، اتاپ ايتقاندا، تەمەكى شەگۋشىلەر ءۇشىن وتە قاۋىپتى. ءسىز ءوزىڭىزدى تەپسە تەمىر ۇزەتىن ادامعا تەڭەسەڭىز دە، وكپەڭىزدى ەمدەتۋگە ۇلكەن كولەمدەگى قاراجات تولەۋگە ءماجبۇر بولاسىز. ال دارىگەرگە قارالۋ ءۇشىن قانشا ۋاقىت كەزەكتە تۇرۋىڭىز، تەك ءسىزدىڭ ساتتىلىگىڭىزگە بايلانىستى بولادى.

كۇز ايلارى جۇمىس ماسەلەلەرىمەن اينالىسۋعا قولايلى بولادى. وسى كەزەڭدە ءسىز ەش قورقىنىشسىز ۇزاق ىسساپارلارعا بارۋعا جانە كەلىسسوزدەر جۇرگىزۋگە قاتىسا الاسىز. جەكە كاسىپپەن اينالىساتىن تورپاقتار سەرىكتەستىك قاتىناستارىن كەڭەيتە الادى.

ەگىزدەر

ەگىزدەر ءۇشىن 2021 جىل ءمولدىر ءارى شىنايى ماحابباتقا تولى بولادى. ءبىزدىڭ الەمدە ءالى دە شىنايى سۇيەتىن ادامدارمەن قارىم-قاتىناستا بولۋدىڭ قانداي ەكەنىن ءبىلۋ باقىتىنا يە بولاسىز.

ەڭبەكقورلىعىڭىزعا بايلانىستى جىلدىڭ باسى ءساتتى بولادى. اۋىلشارۋاشىلىق جانە قىزمەت كورسەتۋ سالاسىنداعى قىزمەتكەرلەر ەرەكشە جەتىستىككە جەتەدى. جۇمىس بابىمەن كەلىسسوزدەر دە ءساتتى بولادى. وسى ۋاقىتتى ءتيىمدى پايدالانىڭىز، ويتكەنى ول ءبىز ۇيرەنگەندەي 1 قاڭتاردا ەمەس، 12 اقپاندا باستالادى.

كوكتەم مەزگىلى قاربالاس بولادى، بىراق ءۇي شارۋاسى جاعىمدى جۇمىسقا اينالماق. ءۇي-جايىڭىزدى قالىپقا كەلتىرۋى قاجەتتىلىگى تۋىندايدى. كوپ ۋاقىتىڭىز بالالارعا قاراۋمەن كەتەدى، ولاردى ءارتۇرلى ۇيىرمەلەرگە نەمەسە سەكتسيالارعا اپارىپ، مۇقيات كوڭىل بولگەنىڭىز دۇرىس.

جاز مەزگىلىندە ەگىزدەر ءوز جالقاۋلىعىنىڭ سالدارىنا تاپ بولادى. ەسكى تاپسىرمالاردى ورىندايتىن كەز كەلدى. بارلىق نازارىڭىز جۇمىسقا باعىتتالادى، سوندىقتان دەمالىستى تەڭىز جاعاسىندا وتكىزەمىن دەپ ويلاماڭىز. بارلىعى دەمالىپ جاتقاندا، ءسىز جىل بەلگىسى رەتىندە كوپ جۇمىس ىستەيتىن بولاسىز.

كۇز مەزگىلى ەگىزدەر ءۇشىن جالپى ءال-اۋقاتتىڭ تومەندەۋىنە جانە كۇيزەلۋگە بايلانىستى اۋىر كەزەڭ بولادى. پسيحوەموتسيونالدى جاعدايىڭىزعا دا قاۋىپ تونەدى. جاعىمسىز ەنەرگيا جينالۋىن بارىنشا ازايتۋ جولدارىن ىزدەڭىز، سپورت پەن مەديتاتسيا بۇل. ءۇشىن تيىمدى بولماق.

سۋىق تۇسە سالىسىمەن كوپتەگەن ەگىزدەر ءوز قالاۋلارىنىڭ ەرەكشە ەلىكتىرەتىنىن سەزىنەدى. وعان مويىنسۇنباڭىز، جىل بەلگىسى ءسىزدىڭ توزىمدىلىگىڭىز بەن شىدامدىلىعىڭىزدى تەكسەرەدى.

شايان

2021 جىلى شاياندار ءومىر ءسۇرۋ سالتىن، جۇمىسىن، قورشاعان ورتاسىن، ءتىپتى كيىم كيىسىن تۇبەگەيلى وزگەرتكىسى كەلەدى. مۇنىڭ سەبەبى - ۇزاققا سوزىلعان كۇيزەلىس. بۇل - كەۋدەدەن ءبىر تاس تۇسىرگەندەي، ەموتسيونالدى اۋىرتپاشىلىقتان ارىلۋدىڭ جانە جەڭىلدەتۋدىڭ ءبىر ءتۇرى.

جىلدىڭ باسى ءساتتى بولادى، اسىرەسە، جەكە ومىرىڭىزدەگى وزگەرىستەر وڭ بولادى. قايعى مەن قاتتى ويعا بەرىلۋگە ۋاقىت بولمايدى، سوندىقتان قىس مەزگىلى قىزىقسىز جانە بىرتەكتەس بولادى دەپ الاڭداماڭىز. ەڭ بولماعاندا 12 اقپاننان باستاپ ءومىر جاڭا ارناعا ەنەدى.

كوكتەم مەزگىلىنىڭ سوڭى بارلىق شايانداردى جەكە ومىرىندەگى ماسەلەلەردى شەشۋمەن قۋانتادى. كەيبىرەۋلەرى ءتىپتى ۇيلەنۋ تۋرالى شەشىم قابىلدايدى، بىراق اباي بولىڭىز، سەبەبى بۇل قادام ءوز پايداسى ءۇشىن جاسالۋى ابدەن مۇمكىن.

جاز مەزگىلى جىلۋىمەن قۋانتادى، بىراق، وكىنىشكە وراي، وزەن نەمەسە تەڭىز جاعاسىندا دەمالۋعا ۋاقىت بولمايدى. جاقىندارىڭىزبەن جانە ارىپتەستەرىڭىزبەن قارىم-قاتىناستى رەتتەۋمەن اينالىساسىز. ءوز ۋاقىتىڭىزدى پايداسىز ۇرىس-كەرىسكە تەككە كەتىرىپ الماڭىز.

سۋىق تۇسە سالىسىمەن ءومىر شايانداردان ماڭىزدى شەشىمدەر قابىلداپ، دۇرىس ارەكەتتەر جاساۋدى تالاپ ەتەدى. بارلىق باستامالارىڭىز ءساتتى اياقتالادى دەپ ايتۋ قيىن، بىراق ەگەر ءسىز جەتكىلىكتى تاباندىلىق كورسەتىپ، مارتەبەلىك قاتىناس تۋرالى ۇمىتپاساڭىز، ءبارى ويداعىداي بولادى.

جەلتوقسان ايىنىڭ سوڭى مەن قاڭتاردىڭ باسى ءسىزدىڭ قارجىلىق جاعدايىڭىزدى ەلەۋلى تۇردە تومەندەتەدى. كوپتەگەن شىعىندار ءسىز ءۇشىن قول جەتىمسىز بولادى. ءوز مۇمكىندىكتەرىڭىزدى ءاردايىم ايقىن باعالاڭىز.

ارىستان

ارىستاندار ءۇشىن 2021 جىل ومىردەگى ەڭ ءساتتى جىلداردىڭ ءبىرى بولادى. ساتتىلىك ءسىزدىڭ سەرىگىڭىزگە اينالماق. استرولوگ سىزگە بارلىق جاڭا ىستەردى باستاۋعا، ءوز-ءوزىڭىزدى جەتىلدىرۋگە، ءوزىڭىزدى جانە ومىردەگى ۇيلەسىمدىلىكتى ىزدەۋگە كەڭەس بەرەدى.

جىلدىڭ باسى ابىگەرلى، بىراق وتە قىزىقتى بولادى. ەڭ باستىسى، مەتالل - بۇقا تەك 12 اقپاننان باستاپ ءوز كۇشىنە ەنەتىنىن ۇمىتپاڭىز، سول ۋاقىتقا دەيىن الدىڭعى 2020 جىلعا ارنالعان جۇلدىز جورامالدى باسشىلىققا العانىڭىز دۇرىس.

كوكتەم باسىندا جەكە ومىرىڭىزدە قيىندىقتار تۋىنداۋى مۇمكىن، بىراق ءبىر-ەكى ايدان كەيىن جاعدايدى قالىپقا بولادى. ەڭ باستىسى، ءۇزىلدى-كەسىلدى قارسى بولماي، سەرىكتەسىڭىزدى مۇقيات تىڭداۋعا تىرىسىڭىز.

جاز مەزگىلى ارىستاندارعا كوپتەن كۇتكەن دەمالىس پەن تىنىعۋدى سىيلايدى. جۇلدىز بەلگىلەرى ەرەكشە باقىتتى وكىلدەرى قوسىمشا دەمالىسقا يە بولادى، سونىمەن قاتار، ەڭبەكتەنگەنى ءۇشىن لايىقتى سىياقى الادى.

قىركۇيەك ايىندا سىزگە ايتىلعان جاعىمسىز ەسكەرتۋلەردى ەستيسىز. بىراق الاڭداماڭىز، بۇل - قىزعانشاق ادامداردىڭ ايلا-امالدارى.

جەلتوقسان ايى قارجىلىق تۇراقتىلىعىمەن ەرەكشەلەنبەيدى، ءسىزدىڭ شىعىندارىڭىز كىرىستەرىڭىزدەن اسىپ تۇسەدى. بيۋدجەتتى جوسپارلاۋدى ۇيرەنىڭىز جانە شاماڭىز كەلگەنشە قارىزدانباعانىڭىز ءجون.

بيكەش

2021 جىل بيكەشتەرگە باس اينالدىراتىن كوتەرىلۋ مەن كۇتپەگەن قۇلدىراۋدىڭ قىزىقتى ۋاقىتى بولادى دەپ بولجايدى پاۆەل گلوبا. قانداي دا ءبىر سەبەپتەرمەن مەتالل - بۇقا سىزگە قاتىستى ءوز پرينتسيپتەرىن وزگەرتۋدى شەشەدى جانە تۇراقتى ءارى تىنىش ۋاقىتتىڭ باستالۋىنا ەشقانداي ىقپال ەتپەيدى.

جىلدىڭ باسى شيەلەنىستى بولادى. كوبىنە ارىپتەستەردىڭ جاساعان ىستەرىنە جانە باسشىلىقپەن ءتۇسىنىسۋ قيىندىقتارىنا بايلانىستى. ەگەر ءسىز داعدارىستان شىعىپ، بايلانىس ورناتا الساڭىز، ءبارى تەز شەشىلەدى.

كوكتەمنىڭ ورتاسىنا قاراي جاعداي جاقسارا باستايدى. ءتىپتى قىسقا ءۇزىلىس جاساپ، دەمالا الاسىز. وسى مۇمكىندىكتى بارىنشا پايدالانىڭىز، ويتكەنى الدا بولاتىن وقيعالار ءسىزدى بارلىق ىشكى كۇشتەرىڭىزدى جۇمىلدىرۋعا ءماجبۇر ەتەدى.

تامىز ايىندا جۇلدىزدار بيكەشتەرگە ساق بولۋعا كەڭەس بەرەدى. سوزىلمالى اۋرۋلاردىڭ ءورشۋ جانە دەنساۋلىقتىڭ ناشارلاۋ قاۋپى بار. ەكسترەمالدى سپورت پەن اشىق وتتان اۋلاق بولىڭىز.

كۇز مەزگىلى وتباسىلىق قارىم-قاتىناستاردا بەيبىتشىلىك ورناتۋعا ىقپال ەتەدى. جان جارىڭىز بەن بالالارىڭىزبەن كەلىسىم ورناتۋعا بولادى. بىراق ءبارى وسىمەن اياقتالادى دەپ ويلاماڭىز. ءسىزدى ءالى كوپ جۇمىس كۇتىپ تۇر.

جىل سوڭى سىزگە قارسى جاسالعان ايلالاردىڭ جاڭا تولقىنىمەن كۇردەلەنە تۇسەدى. وزىڭىزگە دەگەن وسىنداي قىزعانىش سەزىمىن قالاي تۋدىرعانىڭىز تۋرالى ويلانعانىڭىز ءجون.

تارازى

تارازىلار ءۇشىن 2021 جىل قولداۋ كورسەتەدى. تۋىنداعان ماسەلەلەرىڭىزدى شەشە الاسىز جانە قارجىلىق جاعدايىڭىزدى تۇراقتاندىراسىز. الايدا جەكە ءومىر ماسەلەسىندە ساتتىلىك كۇتپەڭىز، ءبارى تەك ءسىزدىڭ نيەتىڭىز بەن ارەكەتتەرىڭىزگە بايلانىستى بولادى.

اقپان ايىنىڭ سوڭىنان باستاپ تارازىلار ولاردىڭ ءومىرى تۇبەگەيلى وزگەرگەندىگىن سەزىنە باستايدى. ەگەر بۇرىن جۇزەگە اساپاي جۇرگەن ىستەرىڭىز بولسا، ەندى ءبارى ويداعىداي جۇرەدى.

كوكتەم مەزگىلى تەاتر مەن كينو، كەسكىندەمە، مۋزىكا نەمەسە مۇسىندەۋ سالاسىمەن بايلانىستى تارازىلارعا شابىت پەن شىعارماشىلىق سەرپىلىس بەرەدى. ءساۋىر-مامىر ايلارىندا بارلىق تارازىلار ءۇشىن ەنەرگيانىڭ كەرەمەت ءوسۋى باستالادى.

جازدا وتباسىلى جۇلدىز بەلگىلەرىنىڭ وكىلدەرى قايتادان جان-جارىنا دەگەن سۇيىسپەنشىلىگىن سەزىنەدى. قارىم-قاتىناستارىڭىز جاقسارادى، ەكىنشى بال ايى باستالۋى ابدەن مۇمكىن.

كۇز ايلارى تارازىلار ءۇشىن بىرقالىپتى وتەدى، بىراق سۋىق تيگىزىپ الماس ءۇشىن دەنساۋلىعىڭىزدى ساقتاۋ جانە نىعايتۋ تۋرالى ويلانعانىڭىز ءجون.

جەلتوقسان ايىنىڭ باستالۋىمەن پاۆەل گلوبا سىزدەرگە كۇتپەگەن قارجىلىق قيىندىقتارعا دايىن بولۋعا كەڭەس بەرەدى. بۇل جاقىن ادامدارىڭىزعا جاڭا جىلعا سىيلىق تاراتۋعا ەمەس، كەيىنگە قالدىرۋعا كەلمەيتىن وزەكتى ماسەلەلەردى شەشۋگە بايلانىستى بولادى.

سارىشايان

سارىشاياندار ءۇشىن الداعى جىل تىنىش جانە تۇراقتى بولادى. ءسىز بىرتەكتىلىكتى ۇناتپاساڭىز دا، بۇل ۋاقىت ءسىزدىڭ پسيحولوگيالىق جاعدايىڭىزدى رەتكە كەلتىرۋگە جانە ۇزاق مەرزىمدى جوسپارلار قۇرۋعا كومەكتەسەدى.

قىس مەزگىلىندە سارىشاياندار بارلىق بوس ۋاقىتتارىن جاڭا باستامالاردى ۇيرەنۋگە ارناۋى كەرەك. ءومىر ءوز ءبىلىمىڭىزدى جەتىلدىرۋگە، سونداي-اق جاڭا بەلەستەردى باعىندىرۋعا ءماجبۇر ەتەدى.

كوكتەم مەزگىلى جۇلدىز بەلگىسىنىڭ كوپتەگەن وكىلدەرىن كوپتەن كۇتكەن دەمالىسپەن جانە جاڭا اسەرلەرىمەن قۋانتادى. ساياحاتقا شىعىڭىز جانە جاڭا جەرلەردى كورۋدەن قورىقپاڭىز.

سىرتتا نەعۇرلىم جىلى بولسا، سوعۇرلىم سەرىكتەسىڭىزبەن قارىم-قاتىناسىڭىزعا قۇمارلىق ورالادى. داۋ-دامايدان جالىققاندار ءۇشىن بۇل كەزەڭ جان تىنىشتىعىن اكەلمەك.

قاراشا ايىنا دەيىن ومىردە ەشقانداي وزگەرىس بولمايدى دەپ كۇتىلۋدە. بىراق ءسىزدىڭ تۋعان كۇنىڭىز نەعۇرلىم جاقىن بولعان سايىن، وزگەرىس بولۋ مۇمكىندىگى سوعۇرلىم كۇشەيە تۇسەدى.

جەلتوقسان ايى ارىپتەستەرىڭىزبەن قارىم-قاتىناستى تۇراقتاندىرۋعا كومەكتەسەدى، كوپتەگەن داۋلاردى شەشۋگە بولادى. بىراق قارجى جاعدايىندا ءبارى ءسىز قالاعانداي تۇراقتى بولمايدى.

مەرگەن

مەرگەندەر ءۇشىن 2021 جىل ناتيجەلى جۇمىسپەن، سونداي-اق، ەموتسيونالدى ورلەۋمەن ەرەكشەلەنەدى. ۇزاق ۋاقىتقا سوزىلعان كۇيزەلىستەن شىعىپ، جاعدايدى ءوز قولىڭىزعا الاتىن كەز كەلدى. ءومىردىڭ ادىلەتسىزدىگىن ايتىپ، شاعىمدانۋدى قويىڭىز، ءسىز بارىنە ءوزىڭىز قول جەتكىزە الاسىز.

قاڭتار، اقپان ايلارى جاقىندارمەن قارىم-قاتىناس ورناتۋعا كومەكتەسەدى. ەسىڭىزدە بولسىن، قاڭتاردا مەتالل - بۇقا ءوزىنىڭ كۇشىنە ءالى ەنبەيدى، سوندىقتان تۇبەگەيلى وزگەرىستەر كۇتپەگەنىڭىز ءجون.

كوكتەم مەزگىلى ءوزىڭىزدى دامىتۋمەن جاساعان جۇمىسىڭىزدىڭ ءىزسىز وتپەگەنىن كورسەتەدى. ءسىزدىڭ كاسىبي مىندەتتەرىڭىز ارتا تۇسكەنىمەن، ءبىر قۋانتاتىنى، ولارمەن قاتار ءسىزدىڭ ايلىق جالاقىڭىز دا وسەدى.

جاز ايلارى تۇرعىن ءۇي ماسەلەسىن شەشۋمەن قاتار، دەمالۋ ءۇشىن قولايلى بولادى. تىنىم تاپپاي ەڭبەك ەتكەندەرگە جاقسى دەمالىس قاجەت. اقشاڭىزدى وزىڭىزدەن ۇنەمدەمەي، ارمانداعان ساپارىڭىزعا بارۋعا تىرىسىڭىز.

كۇز مەزگىلىندە مەرگەندەر دەنساۋلىعىنا ەرەكشە نازار اۋدارۋى كەرەك. تۇماۋدىڭ الدىن الۋ، سونداي-اق يممۋنيتەتتى نىعايتۋ ماقساتىندا دارۋمەندەر ءىشىپ، فيزيكالىق بەلسەندىلىك تۋرالى ۇمىتپاڭىز.

قىستىڭ سوڭعى ايلارى جۇمىستا ازداعان قيىندىقتار تۋدىرادى، بىراق جاڭا جىلعا دەيىن ءبارى جاقسى بولادى.

تاۋەشكى

تاۋەشكىلەر ءۇشىن 2021 جىل وتە ءساتتى بولادى، سوندىقتان كۇتپەگەن قيىندىقتاردان قورىقپاي، كەز كەلگەن ماسەلەنى شەشۋگە بەل بۋىڭىزعا بولادى. جىل بەلگىسىنىڭ جاقسى نيەتىن پايدالانىڭىز، بىراق اركىم ءوزىنىڭ ەڭبەگىنە قاراي ماراپاتتالاتىنىن جانە مەتالل - بۇقا جالقاۋلاردى مۇلدەم ۇناتپايتىنىن ۇمىتپاڭىز.

قىستىڭ اياعىندا بۇل جۇلدىز بەلگىسىنىڭ وكىلدەرى نەگىزىنەن تۋىستارىنىڭ نەمەسە دوستارىنىڭ كومەگىمەن تاباتىن قوسىمشا تابىستىڭ ارقاسىندا وزدەرىنىڭ قارجىلىق جاعدايىن جاقسارتا الادى.

كوكتەم مەزگىلى ءسىزدى جىلۋلىقپەن جانە مانساپتىق جەتىستىكتەرمەن قۋانتادى. بارلىق شىعارماشىلىققا بەيىم ادامدار، ديزاينەرلەر جانە مەملەكەتتىك قىزمەتكەرلەردىڭ جۇمىستارى جەمىستى بولادى.

جازدا تاۋەشكىلەر جاڭا قارىم-قاتىناستارعا قۇمار بولادى. جاعىمدى تانىسۋ ۇزاق مەرزىمدى قارىم-قاتىناسقا اينالىپ، باقىتقا ۇلاسۋى ابدەن مۇمكىن. بارلىعى، ادەتتەگىدەي، تەك وزىڭىزگە بايلانىستى.

سۋقۇيعىش

سۋقۇيعىش ءۇشىن 2021 جىل داۋلى جانە قيىن بولادى. سىزگە تەپە-تەڭدىك، ىمىراشىلدىق ىزدەپ، جاقىندارىڭىزعا زيان تيگىزبەۋگە تىرىسۋ كەرەك. كوپ نارسە ءسىزدىڭ ادامدارمەن ورتاق ءتىل تابا الۋىڭىزعا بايلانىستى.

قىس سوڭىندا سۋقۇيعىشتار قارجىلىق جاعدايىن جاقسارتا الادى، بىراق بەرەكەلى ۋاقىت ۇزاققا سوزىلمايدى. كۇتپەگەن شىعىندار بيۋدجەتىڭىزدى تەز ارادا قارجىلىق قۇلدىراۋعا اكەلەدى.

كوكتەمنىڭ سوڭى ءسىز ءۇشىن ەكى ۇشتى بولىپ شىعادى، الاياقتاردىڭ قۇربانى بولۋ قاۋپى بار. اسىرەسە، اعا بۋىن وكىلدەرى تەز سەنگىش بولعاندىقتان، الداۋعا تەز تۇسەدى.

كۇز مەزگىلى ومىرىڭىزگە باسقا قىرىنان قاراۋعا ءماجبۇر ەتەدى. بۇل - جۇمىس ورنىن نەمەسە تۇرعىلىقتى مەكەنىڭىزدى اۋىستىرۋ ءۇشىن قولايسىز ۋاقىت. دەگەنمەن، ءىس-شارالار جوسپارىن قۇرۋ ءتيىمدى بولاتىنى ءسوزسىز.

بالىقتار

بالىقتار ءۇشىن 2021 جىل باسقا جۇلدىز بەلگىلەرىنە قاراعاندا ءساتتى بولادى. استرولوگتىڭ ايتۋى بويىنشا، بارلىق ايلار بىردەي ساتتىلىككە يە بولا بەرمەيدى، بىراق جەلتوقسان ايىنىڭ سوڭىنا قاراي ءسىز بارلىق جاعىنان ايتارلىقتاي جەتىستىكتەرگە قول جەتكىزەسىز.

قىستىڭ ورتاسىنا دەيىن تۇبەگەيلى وزگەرىستەردى كۇتپەي-اق كويۋىڭىزعا بولادى، بىراق اقپان ايىنىڭ سوڭىندا وڭ وزگەرىستەر ورىن الۋى مۇمكىن.

كوكتەمنىڭ باستالۋىمەن جاقىن ادامدارىڭىزبەن قارىم-قاتىناسىڭىز جاقسارا تۇسەدى جانە جەڭىلدىك پەن ەركىندىك سەزىمدەرى ومىرىڭىزگە ورالادى.

جاز مەزگىلىندە ەشكىم جۇمىس ماسەلەسىمەن مازالامايتىنداي، تولىققاندى تىنىعۋدىڭ جولىن ىزدەڭىز. ايتپەسە، كۇزدىڭ باسىنا قاراي سۋىق تيگىزىپ الۋ قاۋپى بار.

جىل سوڭى بالىقتارعا بارلىق وزەكتى ماسەلەلەردى شەشۋگە جانە قارجىلىق جاعدايىن نىعايتۋعا كومەكتەسەدى. جۇمىستا دا وڭ وزگەرىستەر كۇتىلەدى.

پىكىرلەر