ءومىر شىنىبەكۇلى: قازاقتى ميداي ارالاستىرىپ جىبەرۋ كەرەك

4198
Adyrna.kz Telegram

"جەرشىلدىك" دەگەن دە "رۋشىلدىق" سەكىلدى دەرت...

شىمكەنتكە قىزمەتكە كەلگەن انشىلەر تۋرالى بىرەۋلەر جالاۋلاتىپ جاتىر.

ماسەلەن، ءوز باسىم رەسەيدىڭ استراحانىندا تۋعان بەرىش، ومبىدا تۋعان قىپشاق، بايانولگەيدە تۋعان كەرەي، قىتايدا تۋعان نايمان، تۇرىكمەنستاندا تۋعان اداي بالاسى شىمكەنتكە قىزمەتكە كەلسە تەك قۋانار ەدىم.

"وڭتۇستىكتە مەكتەپ اشامىن" دەگەن رىسبەك ءماۋىت، اياتجان احمەتجانۇلى سەكىلدى ازاماتتارعا قولىمنان كەلگەنىنشە كومەك بەردىم.

ءبىر اۋلەت، ءبىر رۋ بولىپ شوعىرلانا قونىستاناتىن زامان ارتتا قالدى...قازىر بىزگە قازاقتى ميداي ساپىرىلىستىرىپ، ارالاستىرىپ جىبەرۋ كەرەك.

وسىدان بىرەر اي بۇرىن شىمكەنتتىك ءبىر قارىنداسىم وسىندا ءبىر مەكەمەنى باسقاراتىن پاۆلودارلىق ازامات تۋرالى ازداپ وعاشتاۋ پىكىرلەر جازىپ جاتىر ەكەن.

سول قارىنداسىما تەلەفون شالىپ،

- مەن پاۆلودارعا ءبىراز ازاماتتىڭ قونىس اۋدارۋىنا تۇرتكى بولدىم. ال ەندى سەنىڭ پوستىڭدى وقىعان ءوزىڭ سەكىلدى پاۆلودارلىق ازاماتتار الگى جەرلەستەرىمىزدى تۇرتكىلەي باستاسا نە ىستەيمىز؟ - دەدىم...

قارىنداس ءتۇسىندى-اۋ دەيمىن، توقتاتتى.

ەگەر زاڭ بۇزىلماسا ارتىق اڭگىمەنى دوعارايىق.

پىكىرلەر