قىزىلوردادا سوتتالعانمەن كەزدەسۋگە كەلگەن ازاماتتىڭ سالەم-ساۋقاتىنان ەسىرتكى تابىلدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
2021 جىلعى 22 اقپاندا قىزىلوردا وبلىسى بويىنشا قاجد قاراستى زك-169/5 مەكەمەسىندە جازاسىن وتەپ جاتقان ازاماتقا قىسقا مەرزىمدى كەزدەسۋگە كەلگەن تانىسىنىڭ سالەم-ساۋقاتىنان ەسىرتكى تابىلدى.
مەكەمە قىزمەتكەرلەرى كەزدەسۋگە كەلگەن ازاماتتىڭ سالەم-ساۋقاتىن تەكسەرۋ بارىسىندا “State Line” تەمەكىسىنە نىعىزدالىپ سالىنعان 27 دانا جاسىل ءتۇستى، وتكىر ءيىستى زاتتى انىقتاعان.
بۇل فاكت بويىنشا مەكەمەگە قىزىلوردا قالالىق پوليتسيا باسقارماسىنىڭ جەدەل-تەرگەۋ توبى شاقىرتىلدى.
وتكىزىلگەن ساراپتاما ناتيجەلەرىنە سايكەس تاركىلەنگەن زات-جالپى سالماعى 20,22 گرامم كەپتىرىلگەن ماريحۋانا ەكەنى انىقتالدى. اتالعان دەرەك بويىنشا قازاقستان رەسپۋبليكاسى قك-ءنىڭ 297-بابىنىڭ 1-بولىگىمەن (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، ولاردى جونەلتۋ نە وتكىزۋ) سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە.
«ادىرنا» ۇلتتىق پورتالى
