ەلوردادا جۋرناليستەرگە ارنالعان اعىلشىن تىلىندە سويلەۋ كلۋبى اشىلدى

977

م.س.نارىكباەۆ اتىنداعى كازگيۋ ۋنيۆەرسيتەتىندە جۋرناليستەرگە ارنالعان اعىلشىن تىلىندە سويلەۋ كلۋبى اشىلدى. «English speaking club» - اعىلشىن تىلىندە سويلەۋ داعدىسىن جەتىلدىرۋگە جانە زاماناۋي جۋرناليسكە قاجەت قۇزىرەتتىلىكتەردى دامىتۋعا مۇمكىندىك بەرەتىن   الەۋمەتتىك جوبا، – دەيدى ۇيىمداستىرۋشىلار. 

اتالعان كلۋب جۇمىس بارىسىندا بۇكىل الەمگە تانىمال Cambridge English, Macmillan Academy, National Geographic Publishing, Pearson Education Ltd, Oxford English باعدارلامالارىنا نەگىزدەلگەن ۇزدىك تىلدىك تاجىريبەلەردى پايدالانادى. كلۋب كەزدەسۋلەرىن حالىقارالىق سەرتيفيكاتتارى بار بىلىكتى ماماندار وتكىزەدى.

«جوبانىڭ وقىتۋ ادىستەمەسى كوممۋنيكاتيۆتىك تاسىلگە نەگىزدەلگەن. بۇل جۋرناليستەرگە اعىلشىن تىلىندە ەركىن قارىم-قاتىناس ورناتىپ، پىكىر الماسۋعا مۇمكىندىك بەرەدى. كلۋبتىڭ بەيرەسمي كەزدەسۋلەرى اپتاسىنا ەكى رەت ونلاين جانە وفلاين فورماتتا وتكىزىلەدى», - دەپ اتاپ ءوتتى جوبا جەتەكشىسى ايگەرىم شايحەسلياموۆا.

سونداي-اق جەتەكشى جوبا قاتىسۋشىلارىن ىرىكتەۋ اياقتالعانىن، وسى اپتادا اعىلشىن تىلىندە سويلەۋ كلۋبىنىڭ العاشقى كەزدەسۋى وتەتىنىن ايتتى.

م.س. نارىكباەۆ اتىنداعى

كازگيۋ ۋنيۆەرسيتەتى

پىكىرلەر
رەداكتسيا تاڭداۋى