سوت 30 قوي مەن 11 مىڭ تەڭگە پارا العانى ءۇشىن شەنەۋنىكتى جۇمىستان شىعارىپ، ميلليونداعان تەڭگە ايىپپۇل سالدى، دەپ حابارلايدى سىبايلاس جەمقورلىققا قارسى ءىس-قيمىل اگەنتتىگىنىڭ تەلەگرام كانالى.
تۇركىستان وبلىسىنىڭ ساۋلەت جانە قالا قۇرىلىسى باسقارماسىنىڭ ءبولىم باستىعى ك. تاشكەنت تاسجولىنىڭ بويىندا شىمكەنت قالاسىنا جاقىن ورنالاسقان جەر ۋچاسكەسىنە مەملەكەتتىك اكتى الۋعا كومەك كورسەتكەنى ءۇشىن پارا الدى دەگەن كۇدىككە ءىلىندى.
25 ناۋرىزدا ءال-فارابي اۋداندىق سوتىنىڭ ۇكىمىمەن ك.-عا الاياقتىق جاساعانى ءۇشىن 15 ميلليون 620 مىڭ تەڭگە ايىپپۇل سالىندى، ول ەندى ءومىر بويى مەملەكەتتىك قىزمەتتە لاۋازىمدى قىزمەت اتقارا المايدى.