تالدىقورعاندا شىعارىلاتىن اككۋمۋلياتور باتارەيالارى افريكاعا دا جەتتى.
قازاقستاندا وندىرىلگەن تاۋار ءبىر ايدان بەرى بەنين رەسپۋبليكاسىنداعى سەرىكتەس كومپانيا ارقىلى سول ەلدەگى دۇكەندەردە ساتىلىپ جاتىر.
افريكالىقتار جەتىسۋ جەرىندە جاسالعان باتارەيالاردىڭ ساپاسىن جوعارى باعالايدى. ەندى وتاندىق وندىرۋشىلەر – ارتىلعان سەنىمدى ابىرويمەن اقتاپ، افريكا نارىعىنا مىقتاپ ورنىعۋدى كوزدەيدى.
قازاقستاندىق اككۋمۋلياتور باتارەيالارى بۇگىندە تمد ەلدەرى مەن قىتاي جانە اۋعانستانعا ەكسپورتتالادى. ءونىم حالىقارالىق ساپا ستاندارتتارىنا ساي. سوندىقتان جىل سايىن كاسىپورىننىڭ وندىرىستىك قۋاتى ەسەلەپ ارتىپ كەلەدى.
وتكەن جىلى 1,8 ملن دانا اككۋمۋلياتور شىعارسا، بيىل بۇل كولەمدى 3 ملن داناعا دەيىن ۇلعايتپاق.
جاقسىلىق سيپاعاتوۆ، اككۋمۋلياتور زاۋىتىنىڭ ءبولىم جەتەكشىسى:
- سەبەبى تۇتىنۋشىلارىمىزدىڭ سانى ارتىپ، سىرتقى نارىقتىڭ گەورافيالىق اۋقىمى ۇلعايعان ۇستىنە ۇلعايىپ كەلەدى. ءبىز افريكاعا العاشقىدا 5 مىڭ دانا اككۋمۋلياتور جونەلتكەن ەدىك. ول تەز ساتىلىپ كەتىپتى. ەندى كوبىرەك ەتىپ جىبەرمەكشىمىز. وسىلايشا الىس ەلمەن اراداعى الىس-بەرىستى نىعايتىپ جاتقان جايىمىز بار. بۇل ەكى جاققا دا ءتيىمدى بولادى دەپ ويلايمىن.
24.kz
