شىمكەنتتىڭ باس دارىگەرى جۇقپالى اۋرۋلار اۋرۋحاناسىنداعى جاعدايدى ەرەكشە اتاپ ءوتتى، دەپ حابارلايدى "ادىرنا" ۇلتتىق پورتالى، Tengrinews.kz-كە سىلتەپ.
ءوزىنىڭ Instagram پاراقشاسىندا شىمكەنت دەنساۋلىق ساقتاۋ باسقارماسىنىڭ باستىعى باقىتجان پوزيلوۆ ۆيدەو جاريالادى. ۆيدەودا ول اسار شاعىناۋدانىندا ورنالاسقان قالالىق جۇقپالى اۋرۋلار اۋرۋحاناسىندا جاتقانىن ايتادى. ونىڭ ايتۋىنشا، مۇندا كوروناۆيرۋسقا شالدىققان ناۋقاستار اكەلىنگەن.
"رەانيماتسيا بولىمىندە كوپتەگەن ناۋقاستار جاتىر. ولاردىڭ كوپشىلىگى 25, 30 جانە 40 جاس ارالىعىنداعى جاستار. ولاردىڭ جاعدايى قازىر وتە اۋىر. مەن ءبارىن ءوز ومىرلەرىڭىزدى قاۋىپ-قاتەرگە تىكپەي جانە ەرتەرەك ۆاكتسيناتسيالانۋعا شاقىرامىن. شىمكەنتتەگى بارلىق مەملەكەتتىك جانە جەكە مەديتسينالىق مەكەمەلەردە ءسىز Sputnik V ۆاكتسيناسىمەن اقىسىز ەگىلە الاسىز", دەدى ول.
كادرلاردان بولىمدەگى بارلىق كەرەۋەتتەردە ناۋقاستاردىڭ جاتقانىن، ءبىر بولىگى جەلدەتكىشكە قوسىلعاندىعى بايقايمىز. سونداي-اق، بەينەدە مەحانيكالىق جەلدەتۋ كەزىندە دە تىنىس الۋ جاعدايى قيىنعا سوعاتىن ناۋقاس كورسەتىلگەن.
Tengrinews.kz ءتىلشىسى جاعدايدى ناقتىلاۋ ءۇشىن شەنەۋنىكپەن بايلانىسا الدى. باقىتجان پوزيلوۆ ۆيدەودا 15 ساۋىردە بايقالعان جاعداي كورسەتىلگەنىن ايتتى.
«مەن بارلىعىن تەزىرەك COVID-19 ۆاكتسيناسىن الۋعا شاقىرامىن. بۇگىنگى كۇنى ۆاكتسيناتسيا بۇل قاۋىپتى جۇقپالى اۋرۋدان قورعاۋدىڭ بىردەن-ءبىر ءتيىمدى ءادىسى بولىپ تابىلادى. ۆاكتسيناتسيا اۋرۋدان جانە مۇمكىن بولاتىن اسقىنۋلاردان ساقتانۋعا مۇمكىندىك بەرەدى. بىزگە جانە وزىڭىزگە كومەكتەسىڭىز. ءبىز تەك بىرىكسەك قانا ۆيرۋستى جەڭە الامىز»، دەدى پوزيلوۆ.
ەسكە سالايىق، وتكەن تاۋلىكتە (15 ءساۋىر) قازاقستاندا كوروناۆيرۋستىق ينفەكتسيانىڭ 2656 جاڭا جاعدايى تىركەلدى. ونىڭ ىشىندە 119 ادام شىمكەنتتە. پاندەميادان بەرى مەگاپوليستە كوروناۆيرۋستىق ينفەكتسيانىڭ 7934 جاعدايى تىركەلگەن.
"ادىرنا" ۇلتتىق پورتالى
