قازاقستانداعى اسكەري قىزمەتكەردىڭ فوتوسۋرەتى امەريكا قۇراما شتاتتارىندا تانىمالدىققا يە بولدى. ونىڭ اسكەري تەحنيكانى نە ءۇشىن جانە قاي جەردە سۇيگەنى امەريكالىقتاردى قاتتى قىزىقتىردى. بۇل تۋرالى «ادىرنا» ۇلتتىق پورتالى ليتەر سايتىنا سىلتەمە جاساپ حابارلايدى.
قازىر اقش-تاعى قولدانۋشىلار بەلسەندى تۇردە تالقىلاپ جاتقان فوتوسۋرەت ەكى كۇن بۇرىن ولاردىڭ فورۋمدارىندا پايدا بولدى. ول «ارميا-2019» حالىقارالىق ارميا ويىندارى كەزىندە تۇسىرىلگەن. سۋرەتتە قازاقستاندىق مينومەتشى ءوز وتانىنا جەڭىس اكەلگەن قارۋدى ءسۇيىپ تۇرعانى بەينەلەنگەن.
امەريكالىقتار سۋرەتكە قاتىستى ءتۇرلى پىكىر قالدىرعان. «قىزىق، قاي ەلدەن ەكەن؟!»، «ەگەر ول قازاقستاننان بولسا، ول برونەترانسپورتەردى نەمەسە جاياۋ اسكەردىڭ جاۋىنگەرلىك ماشيناسىن ءسۇيىپ تۇرعان شىعار؟!»، «ءبىر قىزىعى، ماعان قاتتى ۇنادى. مەن ونىڭ ماشيناسىن شىنىمەن قۇرمەتتەيتىنىن جانە باعالايتىنىن سەزىندىم»، «ءسىز ماشينا رۋحىن تىنىشتاندىرۋىڭىز كەرەك، ايتپەسە…»، «ءبىز 3-4 تۋرنيردە جەڭىسكە جەتكەن سياقتىمىز. تانكتەر مەن برونەترانسپورتەرلەر. رەسەي، قىتاي جانە قازاقستان ءاردايىم فينالدا كۇش سىناسادى»، دەستى ولار.
فوتوسۋرەتتەگى ادام ەفرەيتور گايبۋتدين ابدراحمانوۆ بولىپ شىقتى، ول «Army-2019» گراناتومەتىندە ەڭ ۇزدىك دەپ تانىلدى. سول جىلى ويىندارعا الەمنىڭ كوپتەگەن ەلدەرىنەن اسكەري ادامدار قاتىستى: قازاقستان، ءازىربايجان، ارمەنيا، بەلارۋس، رەسەي، ۆەنەسۋەلا، زيمبابۆە، قىتاي، يران، قىرعىزستان، سيريا، وزبەكستان جانە باسقالار.
ءبىزدىڭ ەل جالپى كوماندالىق ءۇشىنشى ورىندى يەلەندى.
سونىمەن قاتار مينومەتشى ەرلەر «ارتيللەريالىق اتىس شەبەرلەرى» نوميناتسياسى بويىنشا كونكۋرسقا قاتىسقاندار اراسىندا ۇزدىك شىقتى.
سول جىلى اسكەريلەر تاعى ەكى نوميناتسيا بويىنشا سىنعا تۇسكەن – «سۇڭقار» جانە «سەنىمدى قارسى الۋ».
"ادىرنا" ۇلتتىق پورتالى
(فوتو: reddit.com)
