ماڭعىستاۋ وبلىسىندا شىناشاقتاي ءسابيدى قيناپ ماسساج جاساعان ايەلگە قاتىستى تەكسەرۋ باستالدى. بۋىنى قاتپاعان بالانى جۇلقىعان مامان قازىر جۇمىسىن ۋاقىتشا توقتاتقان. ال جۇرتتىڭ اشۋىن تۋعىزعان ماسساج جاساۋشىعا ءسابيدىڭ اتا-اناسى ءدان ريزا، دەپ حابارلايدى «ادىرنا» ۇلتتىق پورتالى كتك ارناسىنا سىلتەمە جاساپ.
«ماسساج جاساعان اپاعا راحمەت ايتامىن. وعان قويار ارىز-تالابىم جوق. ءۇشىنشى كۋرسىن اياقتادىق. دارىگەرلەر كەشە تەكسەرىپ كەتتى»، - دەيدى اناسى.بەينەۋ اۋدانىندا بولعان وقيعا الەۋمەتتىك جەلىدە كوپشىلىك نارازىلىعىن تۋدىردى. ارنايى مەديتسينالىق حالاتى، نە بەتپەردەسى جوق ايەل توعىز ايلىق ءسابيدىڭ ءىشىن باسىپ، اياق قولىن جان-جاققا تارتىپ ماسساج جاساۋدا. ءتىپتى، جان داۋىسى شىققان ءسابيدىڭ شىرقىراپ جىلاعانىنا دا ءمان بەرەر ەمەس. بالانىڭ موينىنان ۇستاپ، ءبىر-ەكى رەت سىلكىلەپ تە الادى. ال ءسابيدىڭ اناسى ماسساج جاساۋشىعا «ەش كىنا ارتپايمىن» دەپ وتىر. سەبەبى بالا نەۆرولوگيالىق اۋرۋعا شالدىققان، سول ءۇشىن ارنايى ماسساج كۋرسىن قابىلداۋى قاجەت. https://youtu.be/Th7-1rXKgO4
"ادىرنا" ۇلتتىق پورتالى
(فوتو azattyq-ruhy سايتىنان)
