سوڭعى كەزدەرى ينتەرنەت، تەلەفون، ۆاتساپ الاياقتاردىڭ كوبەيىپ كەتكەنى بەلگىلى. قىلمىس الەمى ەندى ونلاين رەجيمدە جۇرتتى الداۋعا كىرىستى. قاشىقتا وتىرىپ قاراپايىم ادامداردى قان قاقساتاتىن مۇنداي قىلمىسقا قارسى كۇرەسۋ ءۇشىن ىشكى ىستەر مينيسترلىگى ماقان ەسبولاتوۆ اتىنداعى الماتى اكادەمياسىندا ماماندار دايارلانا باستادى. مۇنداي شەشىم وتكەن جىلى قابىلدانعان بولاتىن. ەندى پوليتسيا قىزمەتكەرلەرى قوعامدىق ءتارتىپتىڭ كۇزەتشىلەرى عانا ەمەس، باعدارلاماشى دا بولادى. ولاردى ءتۇرلى حاكەرلەرمەن قالاي كۇرەسۋگە ۇيرەتپەك.
-تەحنولوگيا كۇن سايىن وزگەرىپ جاتقان قازىرگى زاماندا كيبەرقىلمىسپەن كۇرەسۋ وتە ماڭىزدى بولىپ وتىر، -دەيدى الماتى اكادەمياسىنىڭ باستىعىنىڭ ورىنباسارى جانات ديلبارحانوۆا،-اتالعان قىلمىسپەن كۇرەس ماماندىعىنا بىزدەر وسى سالادان تاجىريبەسى بار كادرلاردى تارتىپ وتىرمىز. ولاردى دايىنداۋعا باسقا دا ۇيىمدار مەن مەكەمەلەر قاتىسۋدا.
وتە كەرەمەت جاڭالىق! ەندى ونلاين-الاياقتاردىڭ ەركىنسۋى باسىلىپ، زاڭ الدىندا جاۋاپ بەرەتىن كۇندەرى دە الىس ەمەس دەپ ويلايمىز.
