مامىر ايىندا اقتوبە وبلىسىندا پوليتسياعا بىرنەشە ادام بانك شوتتارىنان اقشالارىنىڭ ءبىر بولىگى جوعالىپ كەتكەندىگى تۋرالى ارىزدانعان دەپ حابارلايدى "ادىرنا" ۇلتتىق پورتالىنىڭ ءتىلشىسى.
پوليتسيا قىزمەتكەرلەرى تەرگەۋ ارەكەتتەرىن جۇرگىزۋ بارىسىندا قارجى مەكەمەسىنىڭ 21 جاستاعى وپەراتورىن انىقتاپ، ۇستادى.
كۇدىكتى ءۇش اي بويى 4 سالىمشىنىڭ شوتتارىنان قولما-قول اقشا جىمقىرعان. سالىمشىلار اقشانىڭ جوعالعانىن بايقاماۋى ءۇشىن كۇدىكتى اقشانى 30 مىڭ تەڭگەدەن ءبولىپ-ءبولىپ شەشىپ العان.
جالپى العاندا كۇدىكتى جابىرلەنۋشىلەردىڭ شوتىنان 1 ملن 300 مىڭ تەڭگە كولەمىندە اقشانى يەمدەنگەن. ۇرلانعان اقشانى جاس جىگىت بۋكمەكەرلىك كەڭسەلەردەگى قۇمار ويىنعا تىككەن.
بارلىق دەرەكتەر نەگىزىندە قازىر قر قىلمىستىق كودەكسىنىڭ 188-بابى 3-بولىگى "ۇرلىق" دەرەگى بويىنشا سوتقا دەيىنگى تەرگەۋ جۇرگىزىلۋدە.
"ادىرنا" ۇلتتىق پورتالى.
