بوكستان دۋبايدا اياقتالعان ازيا چەمپيوناتىنىڭ كۇمىس جۇلدەگەرى ءابىلحان امانقۇل قازاقستان قارۋلى كۇشتەرىنىڭ قاتارىنى قوسىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«بوكستان ازيا چەمپيوناتىنىڭ كۇمىس جۇلدەگەرى ءابىلحان امانقۇل قازاقستان قارۋلى كۇشتەرىنىڭ قاتارىن تولىقتىردى. بىلعارى قولعاپ شەبەرى ءبىر جىل بويى اتىس پەن ساپتىق دايارلىقتى جاتتىعۋلارمەن، جيىندارمەن جانە جارىستارمەن قاتار الىپ جۇرەدى»،–دەلىنگەن حابارلامادا.
امانقۇل 2022 جىلعا دەيىن قر قورعانىس مينيسترلىگىنىڭ سپورت روتاسىندا قاتارداعى جاۋىنگەر رەتىندە قىزمەت ەتەتىن بولادى.
«مەنىڭ ويىمشا، ءار ادام وتان الدىنداعى ءوز مىندەتىن ورىنداۋى كەرەك. وتان الدىنداعى پارىزىمدى ابىرويمەن ورىنداي الاتىنىما سەنەمىن»،– دەدى ول.
«ادىرنا» ۇلتتىق پورتالى
