الەۋمەتتىك جەلىدە «قوردايداعى قۇبىجىق» تۋرالى ۆيدەو تارادى، - دەپ حابارلايدى Tengrinews.kz.
ۆيدەونى كوپتەگەن ادام Instagram جەلىسىندەگى تانىمال توپتارعا جىبەرە باستاعان. سونىڭ ءبىرى @aqparat.kz پاراقشاسىندا پايدا بولعان. ۆيدەودا ادام بويىمەن بىردەي يت جولدا جاتقانى كورسەتىلگەن.
«جىگىتتەر، مىنا بالەنى قاراڭدار. يت ەكەن دەپ قاعىپ كەتكەنبىز. قورداي اسۋىندا قاعىپ كەتتىك. ءتۇسىپ، بارىپ قارايىق دەسەك، اياق-قولى بار، بويى ۇزىن. شوك بولىپ جاتىرمىز»، - دەيدى ۆيدەوداعى ەر ادام.
تاعى ءبىر توپقا بۇل ۆيدەونى مىڭداعان ادام جىبەرگەن ەكەن.
«بۇل فەيك، مونتاج! ۆيدەوعا داۋىس قويا سالعان. قوردايدا ونداي قۇبىجىق جوق. سابىر ساقتاڭىزدار، ەشقانداي قاۋىپ ءتونىپ تۇرعان جوق!»، - دەلىنگەن جازبادا.
بۇل راسىمەن فەيك اقپارات. ۆيدەونىڭ تۇپنۇسقاسى پورتۋگال تىلىندە جاريالانعان. جەلىدە تاراپ كەتكەن ۆيدەو برازيليالىق توپ جاساعان كونتەنتتىڭ بولىگى عانا: ستسەناري بويىنشا، ءبىر توپ ادام قاۋىپتى جانۋارعا كەزىگەدى.
