تۇركىستاندا وسىدان ءۇش اي بۇرىن ءىز-ءتۇزسىز جوعالىپ كەتكەن ءجاسوسپىرىم تابىلدى، دەپ حابارلايدى «ادىرنا» ۇلتتىق پورتالى Polisia.kz سايتىنا سىلتەمە جاساپ.
سايرام اۋدانىنىڭ پوليتسيا باسقارماسىنا جەرگىلىكتى تۇرعىن ارىزدانىپ، 11 سىنىپتا وقيتىن كامەلەتكە تولماعان ۇلى جوعالىپ كەتكەنىن ايتتى. جاقىندارىمەن سوزگە كەلگەن بالا ۇيىنەن كەتىپ، سول كۇيى ورالماعان. ۇيالى تەلەفونى دا ءوشىرۋلى بولعان.
ءتارتىپ ساقشىلارى بىردەن وقۋشىنى ىزدەۋگە كىرىستى. كۋاگەرلەردەن سۇراستىرىپ، ەلدى مەكەن ماڭىن ءسۇزىپ شىقتى. سونداي-اق جوعالعان ءجاسوسپىرىمنىڭ تانىستارى مەن دوستارىن انىقتادى.
ىزدەۋ جۇمىستارى ناتيجەسىندە مەكتەپ وقۋشىسى ءۇش ايدان كەيىن امان-ەسەن تابىلدى. ول شىمكەنتتە جۇمىس ىستەپ جۇرگەن.
پوليتسەيلەر كامەلەتكە تولماعان بالانى ۇيىنە جەتكىزىپ، اتا-اناسىنا تاپسىردى.
ءجاسوسپىرىمنىڭ وتباسى ۇلىن تابۋعا كومەكتەسكەن سايرام اۋدانى پوليتسيا باسقارماسىنىڭ قىزمەتكەرلەرىنە العىس ايتتى.
"ادىرنا" ۇلتتىق پورتالى
