ەلىمىزدىڭ باس مەملەكەتتىك سانيتار دارىگەرى ەرلان قياسوۆ جاڭا قاۋلىعا قول قويدى، دەپ حابارلايدى «ادىرنا» ۇلتتىق پورتالى.
قۇجاتتا كەلتىرىلگەن مالىمەت بويىنشا كوروناۆيرۋسقا قارسى ۆاكتسينا الماعان قىزمەتكەرلەردىڭ جۇمىسقا كەلۋىنە شەكتەۋ ەنگىزىلەدى. بۇل تالاپتىڭ تۇراقتى مەديتسينالىق قارسى كورسەتىلىمدەرى بار، سوڭعى ءۇش ايدا كوروناۆيرۋسپەن اۋىرعان جۇمىسشىلارعا قاتىسى جوق.
شەكتەۋ ەنگىزىلگەن ۇيىمدار:
- قىزمەت كورسەتۋ جونىندەگى وبەكتىلەر (حالىققا قىزمەت كورسەتۋ ورتالىقتارى «قازپوشتا» اق بولىمشەلەرى;
- ەكىنشى دەڭگەيلى بانكتەر، قارجى نارىعىنىڭ وبەكتىلەرى، ساقتاندىرۋ كومپانيالارى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، ايىرباستاۋ پۋنكتەرى، لومباردتار;
- سۇلۋلىق سالوندارى، شاشتارازدار، حيميالىق تازالاۋ ورىندارى، كىر جۋ ورىندارى;
- فيتنەس، سپورت كەشەندەرى، سپورتتىق-ساۋىقتىرۋ ورتالىقتارى، سپا جانە ماسساج سالوندارى/ورتالىقتارى/كابينەتتەرى، مونشالار، ساۋنالار، باسسەيندەر، جاعاجايلار;
- تيپوگرافيالىق قىزمەتتەر، تىگىن اتەلەسى، فوتوسالوندار، اياق كيىم شەبەرحانالارى، گۇل دۇكەندەرى، اياق كيىم، كيىم جوندەۋ، ۇيىمداستىرۋ تەحنيكاسىن جوندەۋ جونىندەگى سەرۆيس، نوتاريۋس، بۋحگالتەر جانە كونسالتينگ، مانيكيۋر جانە پەديكيۋر، كوسمەتولوگيالىق قىزمەتتەردى كورسەتۋ جونىندەگى وبەكتىلەر، وزگە دە وبەكتىلەر;
- حالىق تۇتىناتىن ونىمدەردىڭ جانە تاۋارلاردىڭ كوتەرمە جانە بولشەك ساۋداسى (ساقتاۋ) نىساندارى، ونىڭ ىشىندە بازارلار، ساۋدا ۇيلەرى، ساۋدا جەلىلەرى، ساۋدا-ويىن-ساۋىق ورتالىقتارى، دۇكەندەر، شاعىن ماركەتتەر، سۋپەرماركەتتەر، گيپەرماركەتتەر;
- مادەنيەت جانە دەمالىس وبەكتىلەرى (مۋزەيلەر، مۋزەي-قورىقتار، كىتاپحانالار، كونتسەرتتىك ۇيىمدار، فيلارمونيالار، تەاترلار، كينوتەاترلار، كونتسەرت زالدارى، - كلۋبتار، گالەرەيالار، كورمەلەر، تسيركتەر جانە باسقا دا مادەني-دەمالىس ۇيىمدارى);
- حالىقتىڭ تۇرۋى بويىنشا قىزمەت كورسەتەتىن سالانىڭ نىساندارى (قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقا);
- جولاۋشىلار تاسىمالىن جۇزەگە اسىراتىن ۇيىمدار، اۋەجايلار، تەمىرجول، اۆتوموبيل جانە سۋ ۆوكزالدارى، وزەن جانە تەڭىز پورتتارى، اۆتوستانتسيالار/اۆتووتپە جولدارى، جولاۋشىلارعا قىزمەت كورسەتۋ پۋنكتتەرى;
- ءبىلىم بەرۋ جانە تاربيەلەۋ ۇيىمدارى، ونىڭ ىشىندە ءبىلىم بەرۋدى دامىتۋ جانە تۇزەتۋ ورتالىقتارى (ەرەسەكتەر مەن بالالارعا ارنالعان), وقۋ-وندىرىستىك كومبيناتتار جانە باسقا دا مەكتەپتەن تىس ۇيىمدار;
- ساناتوري-كۋرورتتىق جانە ساۋىقتىرۋ ماقساتىنداعى وبەكتىلەر (ساناتوريلەر، دەمالىس ۇيلەرى/بازالارى/ايماقتارى، پروفيلاكتوريلەر، بالالاردىڭ ساۋىقتىرۋ لاگەرلەرى (مەكتەپ جانىنداعى، قالا سىرتىنداعى), تۋريستىك بازالار جانە باسقالار);
- قوعامدىق تاماقتانۋ وبەكتىلەرى، ونىڭ ىشىندە ۇيىمداسقان ۇجىمداردا ورنالاسقان، سونداي-اق تاماق جەتكىزۋدى جۇزەگە اسىراتىن وبەكتىلەر، ستريت-فۋدتار;
- بارلىق ۇلگىدەگى مەديتسينالىق-الەۋمەتتىك وبەكتىلەر (قارتتار، مۇگەدەكتەر ۇيلەرى، سابيلەر ۇيلەرى جانە باسقالارى);
- دەنساۋلىق ساقتاۋ ۇيىمدارى، ونىڭ ىشىندە زەرتحانالار;
- ءدارىحانا ۇيىمدارى;
- تىرشىلىكتى قامتاماسىز ەتۋ جانە كوممۋنالدىق شارۋاشىلىق وبەكتىلەرى (سۋمەن جابدىقتاۋ، جىلۋمەن جابدىقتاۋ، ەلەكترمەن جابدىقتاۋ، اۋماقتاردى جيناۋ جانە قالدىقتاردى شىعارۋ، ءۇي-جايلار مەن اۋماقتاردى دەزينفەكتسيالىق وڭدەۋ بويىنشا ۇيىمدار، اۆاريالىق-قۇتقارۋ قىزمەتتەرى، پيك جانە ميب جانە باسقالارى);
- ەكسكۋرسيالىق قىزمەت كورسەتەتىن ۇيىمدار;
- دەمالىس وبەكتىلەرى، ويىن-ساۋىق وبەكتىلەرى (كومپيۋتەرلىك كلۋبتار، بيليارد زالدارى، بوۋلينگتەر، ويىن-ساۋىق ورتالىقتارى/ساياباقتارى، اتتراكتسيوندار، اكۆاپاركتەر، كاراوكە، لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار);
- بايلانىس جانە تەلەكوممۋنيكاتسيا وبەكتىلەرى.
جاڭا قاۋلى 15 شىلدەدەن باستاپ كۇشىنە ەندى.
"ادىرنا" ۇلتتىق پورتالى
