توكيو ۇكىمەتى بەيسەنبى كۇنى، وليمپيادا سالتاناتىنىڭ قارساڭىندا COVID-19 جۇقتىرۋدىڭ 1 979 جاڭا جاعدايى تىركەلگەنىن ءمالىم ەتتى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
بۇل – قاڭتاردىڭ ورتاسىنان بەرگى ەڭ جوعارى كورسەتكىش. وسىعان وراي، ويىنداردىڭ سالدارىنان ۆيرۋستىڭ جۇقپالىلىعى جوعارى دەلتا نۇسقاسىنىڭ تارالۋ اۋقىمى ودان ءارى كەڭەيە تۇسەدى دەگەن قورقىنىش وسۋدە.
وليمپيادانىڭ اشىلۋ سالتاناتى جۇما كۇنى ەل استاناسىندا كوروناۆيرۋس شارالارىنىڭ شەكتەۋلەرىنە بايلانىستى كورەرمەندەرسىز وتەدى. مۇندا COVID-19 جاعدايلارىنىڭ وسۋىنە بايلانىستى توتەنشە جاعداي ەنگىزىلگەن.
قاڭتاردىڭ ورتاسىندا توكيودا ەكىنشى توتەنشە جاعداي ەنگىزىلگەن ەدى.
دەنساۋلىق ساقتاۋ سالاسىنداعى ساراپشىلار توكيودا كوروناۆيرۋس بويىنشا ەپيدەميولوگيالىق احۋالدىڭ كۇرت ناشارلاۋى مۇمكىن ەكەندىگىن جانە ينفەكتسيانىڭ «بەسىنشى تولقىنى» تۋرالى ەسكەرتتى.
ولاردىڭ ەسەپتەۋى بويىنشا، تامىزدىڭ باسىندا ەلدەگى كۇندەلىكتى جۇقتىرۋ وقيعاسى 2 600-عا دەيىن جەتەدى. ال وليمپيادا 8 تامىزعا دەيىن جالعاسپاق.
"ادىرنا" ۇلتتىق پورتالى
