افريكانىڭ وڭتۇستىگىندە قار جاۋىپ، ورتالىق بولىگىندەگى اۋا تەمپەراتۋراسى تاريحتا بولماعان رەكوردتى جاڭارتتى دەپ حابارلايدى "ادىرنا" ۇلتتىق پورتالى.
جەكسەنبىدە وڭتۇستىك افريكا رەسپۋبليكاسىنىڭ بىرقاتار قالاسىندا كوكتايعاققا بايلانىستى جولدار جابىلعان. سينوپتيكتەردىڭ ايتۋىنشا، وڭتۇستىك افريكادا سۋىق اۋا رايى ءبىر اپتاعا سوزىلادى.
ماسەلەن، ەلدىڭ ورتالىعىندا ورنالاسقان كيمبەرلي قالاسىندا جانە وعان ىرگەلەس اۋدانداردا العاش رەت اۋا تەمپەراتۋراسى 9,9 گرادۋسقا دەيىن تومەندەدى. ال يوحاننەسبۋرگتە 7 گرادۋس اياز بولعان.
بۇل 1995 جىلدىڭ 19 شىلدەسىندە تىركەلگەن الدىڭعى رەكوردتان 6,3 گرادۋسقا سۋىق. وسىلايشا افريكادا 26 جىلدان كەيىن كۇن سۋىنا بايلانىستى قايتا رەكورد ورناتىلىپ وتىر. ماماندار بۇعان وڭتۇستىك اتلانتيكادان سۋىق اۋانىڭ قوزعالۋى سەبەپ بولعانىن ايتقان.
"ادىرنا" ۇلتتىق پورتالى.
