اتىراۋدا 17 جاسار ءجاسوسپىرىم جايىق وزەنىنە باتىپ كەتتى. بۇل تۋرالى وبلىستىڭ تجد ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«2021 جىلدىڭ 2 تامىزىندا اتىراۋ وبلىسىنىڭ تومارلى اۋىلىندا 2004 جىلى تۋعان ءجاسوسپىرىم سۋعا باتىپ كەتتى. اتىراۋ وبلىسى تجد جەدەل-قۇتقارۋ جاساعىنىڭ قۇتقارۋشىلارىنا قوڭىراۋ 19 ساعات 14 مينۋتتا ءتۇستى. وقيعا ورنىنا كەلگەن قۇتقارۋشىلار جەدەل سۋ استى ىزدەستىرۋ-قۇتقارۋ جۇمىستارىنا كىرىستى. ساعات 21:03-تە جەدەل-قۇتقارۋ جاساعىنىڭ سۇڭگۋىرلەرى سۋعا باتىپ كەتكەن ءجاسوسپىرىمنىڭ دەنەسىن تاۋىپ، سۋ استىنان شىعارىپ، پوليتسيا قىزمەتكەرلەرىنە تاپسىردى»،– دەلىنگەن حابارلامادا.جىل باسىنان بەرى اتىراۋ وبلىسىنىڭ سۋ ايدىندارىندا 21 ادام قازا تاپقان.
«ادىرنا» ۇلتتىق پورتالى
