«وبلىسىمىزدىڭ ەكونوميكالىق ءوسىمىنىڭ درايۆەرى سانالاتىن ساشينا جاساۋ سالاسىنا جەكە توقتالماقپىن. ەسەپتى كەزەڭدە 147 ملرد 600 ملن تەڭگەنىڭ ءونىمى شىعارىلىپ، ءوسىم 34,8 پايىزدى قۇرادى. ماشينا جاساۋ سالاسىنىڭ ۇلەسى وڭىردەگى وڭدەۋشى ونەركاسىپتىڭ جالپى كولەمىنىڭ 38,5 پايىزىن قۇرايدى. دەستەلەگىش ءوندىرىسى 2,1 ەسە، تراكتور ءوندىرىسى 2,5 ەسە ارتتى. كومباين قۇراستىرۋ 2,4, جەڭىل اۆتوموبيل قۇراستىرۋ 43 پايىزعا ۇلعايدى»، - دەدى وبلىس باسشىسى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ونىڭ اتاپ وتۋىنشە، وڭىردە 2021 جىلدىڭ ناۋرىزىنان باستاپ «KIA» ماركالى كولىكتەر قۇراستىرىلا باستادى. قازىردىڭ وزىندە مۇنداي 3,2 مىڭ جەڭىل كولىك قۇراستىرىلىپ وتىر. بۇعان قوسا تاياۋ ۋاقىتتا Renault اۆتوموبيلدەرىن قۇراستىرۋ كەلىسىمىنە قول قويىلاتىن بولادى. ال «اۆتوۆاز» اق مەن LADA كولىكتەرىن قۇراستىرۋ كەلىسىمى راسىمدەلگەن. بيىل وڭىردە 8 مىڭ LADA كولىگىن قۇراستىرۋ جوسپارلانىپ وتىر. الداعى ۋاقىتتا ءوندىرىس كولەمى جىلىنا 2 مىڭ بىرلىككە ارتتىرىلا وتىرىپ، جىلدىق ءوندىرىس 24 مىڭ اۆتوموبيلگە جەتەتىن بولادى.
«جالپى ەسەپتى كەزەڭ ىشىندە «سارىارقااۆتوونەركاسىپ» جشس كونۆەينەرىنەن 20 مىڭعا جۋىق كولىك شىعارىلىپ، 1 672-ءسى ەكسپورتقا جونەلتىلدى. بيىلعى جوسپاردا 60 مىڭ كولىك قۇراستىرۋ بار. ونىڭ شامامەن 18 مىڭى ەكسپورتقا شىعارىلاتىن بولادى»، - دەدى ارحيمەد مۇحامبەتوۆ.
