مينيستر «ازاماتتارعا ارنالعان ۇكىمەت» كەاق فيليالىنىڭ حالىققا قىزمەت كورسەتۋ ورتالىعىندا بولدى، وندا ۇجىممەن كەزدەسۋ بارىسىندا جانە كەلۋشىلەردىڭ قاتىسۋىمەن «ناتيجە» ورتالىعى ارقىلى وتىنىشتەردى قابىلداۋ پروتسەسى قارالدى.
سونداي-اق ۆەدومستۆو باسشىسى سمارت سيتي سالاسىنداعى تسيفرلاندىرۋ جوبالارىمەن تانىستى، ال IKomek ورتالىعىندا مينيسترگە قوستاناي قالاسى اكىمدىگىنىڭ احۋالدىق ورتالىعىنىڭ فۋنكتسيونالى كورسەتىلدى. مۇندا ب. مۋسين ساۋلەت جانە قۇرىلىس سالاسىنداعى مەملەكەتتىك قىزمەتتەردى الۋ راسىمدەرىن جەڭىلدەتۋ جوسپارلارى تۋرالى ايتىپ بەردى.
باعدات ءمۋسيننىڭ پىكىرىنشە، تۇرعىندار مەن قوناقتارعا ىڭعايلى بولۋ ءۇشىن قوستانايدا بىرىڭعاي كوممۋنيكاتسيا ورتالىعىن قۇرۋ قاجەت.
ساپار بارىسىندا مينيستر «قوستاناي-سۋ» مكك ءوندىرىسىن اۆتوماتتاندىرۋمەن تانىستى، وندا گاج جۇيەسىن جاڭعىرتۋ جانە IKomek-پەن ينتەگراتسيالاۋ بويىنشا ۇسىنىستار بەردى، كوممۋنالدىق كاسىپورىندارمەن شارتتار جاساسۋ پروتسەستەرىن اۆتوماتتاندىرۋ جونىندەگى جوسپارلارمەن ءبولىستى.
جۇمىس ساپارىنىڭ باعدارلاماسىندا زاماناۋي تەحنولوگيالىق ساۋ زالىمەن جانە اۆتوماتتاندىرىلعان اقپاراتتىق جۇيەمەن جابدىقتالعان «ولجا سادچيكوۆسكوە» مال شارۋاشىلىعى كەشەنى بازاسىنداعى «اقىلدى ءسۇت فەرماسىنا» بارۋ بولدى. قوستاناي وبلىسىنا جۇمىس ساپارىنىڭ قورىتىندىسى بويىنشا مينيستر ءوڭىردى ودان ءارى تسيفرلاندىرۋ بويىنشا ءوز ۇسىنىستارىن ايتتى.
